യുഎഇ- ഇന്ത്യ യാത്ര; കൊറോണ മാർഗ നിർദേശങ്ങളുമായി എയർ ഇന്ത്യ

ന്യൂഡൽഹി: യുഎഇയിൽ നിന്ന് ഇന്ത്യയിലേക്ക് യാത്ര ചെയ്യുന്നവർ കൊറോണ വാക്‌സിൻ എടുത്തിട്ടുണ്ടെന്ന് ഉറപ്പ് വരുത്തണമെന്ന് എയർ ഇന്ത്യ. യാത്രയിൽ മാസ്‌ക് ധരിക്കുന്നതിന് പുറമെ സാമൂഹിക അകലവും ഉറപ്പ് വരുത്തണം. നാട്ടിലെത്തിയതിന് ശേഷം കൊറോണ ലക്ഷണങ്ങൾ കണ്ടെത്തിയാൽ അടുത്തുള്ള ആരോഗ്യ കേന്ദ്രത്തിൽ റിപ്പോർട്ട് ചെയ്യണമെന്നും എയർ ഇന്ത്യയുടെ വാർത്താക്കുറിപ്പിൽ പറയുന്നു.

അതേസമയം പന്ത്രണ്ട് വയസ്സിൽ താഴെയുള്ള കുട്ടികളെ പോസ്റ്റ് അറൈവൽ റാൻഡം പരിശോധയ്‌ക്ക് വിധേയരാക്കില്ലെന്ന് എയർ ഇന്ത്യ അറിയിച്ചിട്ടുണ്ട്. നിലവിൽ
ചൈന ഉൾപ്പെടെ അഞ്ച് രാജ്യങ്ങളിൽ നിന്നെത്തുന്ന യാത്രക്കാർക്ക് വിമാനത്താവളങ്ങളിൽ കൊറോണ പരിശോധന നിർബന്ധമാക്കിയിട്ടുണ്ട്. ചൈന, തായ്ലൻഡ്, ജപ്പാൻ, ദക്ഷിണ കൊറിയ, ഹോങ്കോങ് തുടങ്ങിയ രാജ്യങ്ങളിൽ നിന്നുള്ളവരിലാണ് പരിശോധന നിർബന്ധമാക്കിയിരിക്കുന്നത്. ഈ രാജ്യങ്ങളിൽ നിന്നെത്തുന്ന യാത്രക്കാർക്ക് എയർ സുവിധ രജിസ്ട്രേഷനും നിർബന്ധമാക്കിയിട്ടുണ്ട്.