കൊല്ലം ; ഒൻപത് വയസിനിടെ 33 തവണ ശബരിമല ശാസ്താവിനെ ദർശിച്ച കുഞ്ഞു മാളികപ്പുറം . എഴുകോൺ കോതേത്ത് വീട്ടിൽ അഭിലാഷ് മണിയുടെയും നീതു ലക്ഷ്മിയുടേയും ഏക മകളായ അദ്രിതി തനയയാണ് ഒൻപത് വർഷത്തിനിടെ ഈ ദർശനപുണ്യം നേടിയത് .
ഉണ്ണി മുകുന്ദന്റെ ഏറ്റവും പുതിയ സിനിമയായ മാളികപ്പുറത്തിന്റെ റിലീസിന് മുന്നോടിയായി എറണാകുളത്ത് നടന്ന പ്രമോഷൻ പരിപാടിയിൽ പങ്കെടുത്തതോടെ ഇപ്പോൾ സാമൂഹ്യ മാദ്ധ്യമങ്ങളിലും അദ്രിതി വൈറലാണ്.
ഒൻപത് മാസം പ്രായമുള്ളപ്പോഴാണ് അദ്രിതി ശബരിമലയിൽ ആദ്യ ദർശനം നടത്തിയത്. പിന്നീട് ഒട്ടുമിക്ക മാസങ്ങളിലും മലയ്‌ക്ക് പോകുന്ന മാളികപ്പുറം കഴിഞ്ഞ ഒക്ടോബർ 22 നാണ് ഒടുവിൽ ശബരിമലയിലെത്തിയത്. നവംബറിലും മാലയിട്ടെങ്കിലും അപ്പൂപ്പന്റെ മരണത്തെ തുടർന്ന് വ്രതം മുറിഞ്ഞു.
അദ്രിതിയുടെ അച്ഛൻ അഭിലാഷ് മണിയും ഇതിനകം 175 ലേറെ തവണ മല ചവിട്ടി. കൊറോണ കാലത്ത് മാത്രമാണ് ഇടവേളകളുണ്ടായത്. മുതുപിലാക്കാട് മാർ ബസേലിയസ് എൻജിനിയറിംഗ് കോളേജിലെ ഇംഗ്ലീഷ് അദ്ധ്യാപികയാണ് നീതു ലക്ഷ്മി.
Comments