മിഷനറിമാർ സ്പർശിക്കുമ്പോൾ സ്ത്രീകൾ കൈകൊട്ടി നിലത്ത് കിടന്ന് ഉരുളുന്നു , അട്ടഹസിക്കുന്നു : ഉത്തർപ്രദേശിലെ ജീസസ് ദർബാർ പൂട്ടിച്ച് യോഗി സർക്കാർ

ലക്നൗ : ഉത്തർപ്രദേശിലെ ജീസസ് ദർബാർ പൂട്ടിച്ച് യോഗി സർക്കാർ . ഫത്തേപൂരിൽ അടുത്തിടെയാണ് ക്രിസ്ത്യൻ മതപരിവർത്തന റാക്കറ്റ് വലയിലായത് . അതിനു പിന്നാലെയാണ് അയൽ ജില്ലയായ കൗശാംബിയിലും മതപരിവർത്തനം നടത്തുന്ന ജീസസ് ദർബാർ അധികൃതർ പൂട്ടിച്ചത് . നിരവധി സ്ത്രീകൾ എത്തുന്ന ഇവിടെ മിഷനറിമാർ തലയിൽ സ്പർശിക്കുന്നതും,സ്ത്രീകൾ കൈകൊട്ടി നിലത്ത് കിടന്ന് ഉരുളുന്നതും , അട്ടഹസിക്കുന്നതുമൊക്കെ പതിവായിരുന്നു.

കഴിഞ്ഞ ദിവസം ജീസസ് ദർബാർ ഹാളിലെത്തിയ ഹിന്ദു സംഘടന പ്രവർത്തകർ ബഹളം ഉണ്ടാക്കുകയും തുടർന്ന് സ്ഥിതിഗതികൾ നിയന്ത്രിക്കാൻ പോലീസിത്തുകയും ചെയ്തു. ദർബാറിന്റെ സംഘാടകർ ഗ്രാമീണരെ ക്രിസ്ത്യാനികളാക്കി മാറ്റാൻ ശ്രമിക്കുകയായിരുന്നുവെന്ന് ഹിന്ദു സംഘടനകൾ ആരോപിച്ചു. തുടർന്നാണ് ദർബാർ അധികൃതർ പൂട്ടിച്ചത് .

അനുമതിയില്ലാതെ ഭാവിയിൽ ഇത്തരം കോടതികൾ സംഘടിപ്പിക്കരുതെന്ന് മുന്നറിയിപ്പ് നൽകുകയും പരിപാടി നിർത്തിവെക്കുകയും ചെയ്തിട്ടുണ്ട്. സംഭവത്തിൽ കേസ് രജിസ്റ്റർ ചെയ്ത് അന്വേഷണം പുരോഗമിക്കുകയാണ്. സംഭവത്തിന്റെ വീഡിയോയും സോഷ്യൽ മീഡിയയിൽ വൈറലാകുകയാണ്. വീഡിയോയിൽ ചില സ്ത്രീകൾ നിലത്ത് ഉരുളുന്നത് കാണാം. മിക്കവാറും എല്ലാ പ്രായത്തിലുമുള്ള സ്ത്രീകളും പെൺകുട്ടികളും ഉൾപ്പെടെ പലരും വേഗത്തിൽ തല കുലുക്കുകയും അട്ടഹസിക്കുകയും ചെയ്യുന്നുണ്ട് . ചില സ്ത്രീകൾ മുട്ടു കുത്തി പ്രാർത്ഥിക്കുന്നതും വീഡിയോയിൽ കാണാം .