മുംബൈ : സിദ്ധാർത്ഥ് ആനന്ദ് സംവിധാനം ചെയ്ത് ഷാരൂഖ് ഖാന് – ദീപിക പദുക്കോൺ എന്നിവർ പ്രധാന കഥാപാത്രങ്ങളായി എത്തുന്ന ‘പത്താൻ’ റിലീസിന് മുന്പെ ചോര്ന്നുവെന്ന് റിപ്പോര്ട്ടുകള്. ഓൺലൈനിൽ ചിത്രത്തിന്റെ വ്യാജപതിപ്പ് പുറത്തിറങ്ങിയതിനെതിരെ അണിയറ പ്രവർത്തകർ രംഗത്തെത്തി.
റിലീസിന്റെ തലേദിവസമായ ജനുവരി 24നാണ് നാല് വർഷത്തെ ഇടവേളക്ക് ശേഷം എത്തുന്ന ഷാരുഖ് ചിത്രത്തിന്റെ വ്യാജ പതിപ്പ് ഓണ്ലൈനിലെത്തിയത്.ഇതിനെ തുടർന്ന് എല്ലാവരും ചിത്രം തിയേറ്ററില് നിന്ന് തന്നെ കാണണമെന്ന് അണിയറപ്രവര്ത്തകര് അഭ്യര്ഥിച്ചു.
തിയേറ്ററുകളിൽ റിലീസ് ചെയ്യുന്നതിന് ഒരു ദിവസം മുമ്പ്, നടന്മാരും സിനിമയുടെ നിർമ്മാതാക്കളായ യാഷ് രാജ് ഫിലിം പൈറസി വിരുദ്ധ അപേക്ഷ നൽകിയിട്ടും സിനിമയുടെ വ്യാജപതിപ്പ് പുറത്ത് വരികയായിരുന്നു. തമിഴ് റോക്കേഴ്സ്, ഫിലിംസില്ല, ഫിലിമി4വാപ്പ് തുടങ്ങിയ നിരവധി വെബ്സൈറ്റുകളിൽ ചിത്രം ഇതിനകം പ്രത്യക്ഷപ്പെട്ടതായി റിപ്പോർട്ടുണ്ട്
തിയേറ്ററുകളില് നിന്ന് ചിത്രത്തിലെ രംഗങ്ങള് ഫോണിൽ ഷൂട്ട് ചെയ്ത് പ്രചരിപ്പിക്കരുതെന്നും , വ്യാജ പതിപ്പ് പ്രചരിപ്പിക്കുന്നത് ശ്രദ്ധയില്പ്പെട്ടാല് ഉടൻ തങ്ങളെ അറിയിക്കണമെന്നും യാഷ് രാജ് ഫിലിംസും, ഷാരൂഖും , ദീപികയും അറിയിച്ചിരുന്നു .
Comments