വാഴക്കുല അടക്കം മോഷണം പതിവാകുന്നു ; പരാതിയുമായി നാട്ടുകാർ

പനമരം ; പനമരം ഭാഗത്ത് മോഷ്ടാക്കളുടെ ശല്യമേറുന്നു. കഴിഞ്ഞ ദിവസങ്ങളിലായി പനമരം ടൗൺ, കരിമ്പുമ്മൽ എന്നിവിടങ്ങളിലെ പച്ചക്കറിക്കടകളിൽ അടക്കം മോഷണം നടന്നു.

പഴയ നടവയൽ റോഡിലെ അറഫ വെജിറ്റബിൾ കടയിൽ കയറിയ മോഷ്ടാക്കൾ രേഖകളും വാഴക്കുല അടക്കമുള്ള പച്ചക്കറികളും കവർന്നു. ഇതിനു സമീപത്തെ ഐ മൊബൈൽ കടയുടെ പൂട്ട് തകർക്കാൻ ശ്രമിച്ചെങ്കിലും പരാജയപ്പെട്ടതിനെ തുടർന്ന് കടയുടെ മുൻപിൽ മലമൂത്ര വിസർജനം നടത്തി. കരിമ്പുമ്മലിലെ പലചരക്കുകടയുടെ ഭിത്തി പൊളിച്ചെങ്കിലും അകത്തു കയറാൻ കഴിഞ്ഞില്ല. മോഷണം പതിവായതോടെ വ്യാപാരികൾ പരാതി നൽകി.