വന്ദേ ഭാരത് ട്രെയിനിൽ മാലിന്യം തള്ളുന്നു; ശുചീകരണ രീതി മാറ്റി റെയിൽവേ; യാത്രക്കാർ ദയവ് ചെയ്ത് സഹകരിക്കണമെന്ന് അശ്വിനി വൈഷ്ണവ്

ഡൽഹി: വന്ദേ ഭാരത് ട്രെയിനിൽ മാലിന്യം തള്ളുന്നതായി റിപ്പോർട്ടുകൾ വന്നതോടെ ട്രെയിനുകളിലെ ശുചീകരണ രീതി മാറ്റാൻ റെയിൽവേ മന്ത്രി അശ്വിനി വൈഷ്ണവ് ഉത്തരവിട്ടു. കമ്മ്യൂണിക്കേഷൻസ്, ഇലക്‌ട്രോണിക്‌സ്, ഇൻഫർമേഷൻ ടെക്‌നോളജി മന്ത്രാലയത്തിന്റെ പോർട്ട്‌ഫോളിയോ വഹിക്കുന്ന അശ്വിനി വൈഷ്ണവ്, ഇന്ത്യയിലെ വിമാനങ്ങളിൽ പിന്തുടരുന്ന ശുചീകരണ രീതി ട്രെയിനുകളിൽ സ്വീകരിക്കുന്നതിന് ഊന്നൽ നൽകി.

Vande Bharat train after reaching destination 👇and if it is really true then disgusting act.
For such the slogan is
भय बिनो हुई ना प्रीत
So they all who littering the garbages at public places must be identified through CCTV & suitable action after one warning may be executed. pic.twitter.com/xuchxR1w24

— PRAVIN KUMAR SINGH (@pksingh_iffco) January 28, 2023

വന്ദേ ഭാരത് ട്രെയിൻ 20901-ൽ മുംബൈ സെൻട്രൽ മുതൽ ഗാന്ധിനഗർ തലസ്ഥാനം വരെയും, 22301- ഹൗറ മുതൽ ന്യൂ ജൽപായ്ഗുരി വരെ, 20833- വിശാഖപട്ടണം മുതൽ സെക്കന്തരാബാദ് വരെയുള്ളവയിൽ മാലിന്യ ശേഖരണ സംവിധാനം ഇതിനകം നടപ്പിലാക്കിയതായി അശ്വിനി വൈഷ്ണവ് പറഞ്ഞു.

Cleaning system changed for #VandeBharat trains.
आपका सहयोग अपेक्षित है। https://t.co/oaLVzIbZCS pic.twitter.com/mRz5s9sslU

— Ashwini Vaishnaw (@AshwiniVaishnaw) January 28, 2023

27 സെക്കന്റ് ദൈർഘ്യമുള്ള വീഡിയോ വഴിയാണ് ഇക്കാര്യം മന്ത്രി അറിയിച്ചിരിക്കുന്നത്. ശുചീകരണ തൊഴിലാളികൾ യാത്രക്കാരിൽ നിന്നുള്ള മാലിന്യങ്ങൾ ഒരു ബാ​ഗിൽ ശേഖരിക്കുന്നതാണ് വീഡിയോയിൽ കാണുന്നത്. ‘വന്ദേഭാരത് ട്രെയിനുകൾക്കായി ക്ലീനിംഗ് സംവിധാനം മാറ്റി. നിങ്ങളുടെ സഹകരണം പ്രതീക്ഷിക്കുന്നു’ എന്ന് അശ്വിനി വൈഷ്ണവ് ട്വിറ്ററിൽ കുറിച്ചു.