യുക്രെയ്ൻ ജനവാസ മേഖലയിൽ റഷ്യൻ മിസൈൽ ആക്രമണം; മൂന്ന് മരണം

കീവ്: യുക്രെയ്ൻ നഗരം ക്രമറ്റോസ്‌കിൽ റഷ്യ നടത്തിയ മിസൈൽ ആക്രമണത്തിൽ മൂന്ന് പേർ കൊല്ലപ്പെട്ടു. പ്രാദേശക സമയം 9.45 നാണ് സംഭവം. ബഹുനില കെട്ടിടത്തിലേക്ക് റഷ്യയുടെ ഇസ്‌കാൻഡർ കെ മിസൈൽ വന്ന് പതിക്കുകയായിരുന്നു.

സംഭവത്തിൽ 20-ൽ അധികം പേർക്ക് പരിക്കേറ്റു. ആക്രമണത്തിൽ 10-ൽ അധികം കെട്ടിടങ്ങൾ തകർന്നതായും രക്ഷാപ്രവർത്തനങ്ങൾ ഇപ്പോഴും പുരോഗമിക്കുകയാണെന്നും യുക്രെയ്ൻ പോലീസ് അറിച്ചു.

ആക്രമണത്തിൽ പ്രതിഷേധിച്ച് യുക്രയ്ൻ പ്രസിഡന്റ് വ്‌ളാദിമിർ സെലൻസ്‌കി രംഗത്തുവന്നു. റഷ്യക്കെതിരെ കൂടുതൽ ഉപരോധങ്ങൾ ഏർപ്പെടുത്തണമെന്ന് അദ്ദേഹം അമേരിക്കയോടും യൂറോപ്യൻ യൂണിയനോടും ആവശ്യപ്പെട്ടു.