പാകിസ്താനിൽ വീണ്ടും ഭീകരാക്രമണം ; അഞ്ചിലധികം പേർക്ക് പരിക്ക്; കൊല്ലപ്പെട്ടവരുടെ കണക്കുകൾ പൂഴ്‌ത്തിവെച്ച് പാക് ഭരണകൂടം

ഇസ്ലാമാബാദ്: പാകിസ്താനിലെ ബലൂചിസ്ഥാൻ പ്രവശ്യയിൽ ഭീകരാക്രമണം. ആക്രമണത്തിൽ അഞ്ചിലധികം പേർക്ക് പരിക്കേറ്റു. ക്വറ്റയിലെ പോലീസ് ആസ്ഥാനത്തിലും കന്റോൺമെന്റ പ്രവേശന കവാടത്തിനും സമീപമുള്ള സുരക്ഷിതമായ പ്രദേശത്താണ് സ്‌ഫോടനം നടന്നത്.

പോലീസും എമർജൻസി ടീമും സ്ഥലത്തെത്തി രക്ഷാപ്രവർത്തനം ആരംഭിച്ചിട്ടുണ്ട്. അപകടത്തിൽ പരിക്കേറ്റവരെ ക്വറ്റയിലെ ആശുപത്രിയിലേക്ക് മാറ്റിയതായി അധികൃതർ വ്യക്തമാക്കി. എന്നാൽ കൊല്ലപ്പെട്ടവരുടെ കണക്കുകളോ മറ്റ് വിവരങ്ങളോ പുറത്തുവിടാൻ ഭരണകൂടം തയ്യാറായിട്ടില്ല. സംഭവത്തിന്റെ ദൃശ്യങ്ങൾ സാമൂഹ്യ മാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.

പാകിസ്താനിൽ സമീപകാലത്ത് നിരവധി സ്ഫോ‍ടനങ്ങളാണ് സംഭവിച്ചത്. ക​ഴിഞ്ഞ ആഴ്ചയിൽ പെഷവാറിലെ പള്ളിയിൽ നടന്ന ചാവേർ സ്ഫോടനത്തിൽ 61 പേർ കൊല്ലപ്പെടുകയും 150-ലേറെ പേർക്ക് പരിക്കേൽക്കുകയും ചെയ്തു. ആക്രമണത്തിന് പിന്നിൽ ‘പാകിസ്താനി താലിബാൻ’ ആണെന്നാണ് പുറത്ത് വന്ന വിവരം.

Reports of multiple injuries in a bomb blast in highly secure area of Quetta near the Police headquarters and entrance of Quetta Cantonment. The city is under strict security due to a PSL cricket match. pic.twitter.com/lZcfn1VQRU

— The Balochistan Post – English (@TBPEnglish) February 5, 2023