ഭോപ്പാൽ : രണ്ട് വർഷം മുൻപ് മോഷണക്കുറ്റത്തിന് പിടിച്ചതിന്റെ പക വീട്ടാൻ 58 കാരിയെ 16 കാരൻ പീഡിപ്പിച്ച് കൊലപ്പെടുത്തി. മധ്യപ്രദേശിലെ രേവ ജില്ലയിലെ ഹനുമാന മേഖലയിൽ താമസിക്കുന്ന 58 കാരിയെയാണ് കൈകാലുകൾ ബന്ധിച്ച നിലയിൽ ദുരൂഹസാഹചര്യത്തിൽ കണ്ടെത്തിയത് . സ്ത്രീയുടെ ഭർത്താവും മകനും രണ്ടാഴ്ചയായി സ്ഥലത്തുണ്ടായിരുന്നില്ല . സംഭവവുമായി ബന്ധപ്പെട്ട് നടത്തിയ പോലീസ് അന്വേഷണത്തിലാണ് കൊലപാതകം ആസൂത്രിതമാണെന്നും, 16 കാരനാണ് ചെയ്തതെന്നും വ്യക്തമായത്.
രണ്ട് വർഷം മുമ്പ് ഈ സ്ത്രീയുടെ അടുത്ത വീട്ടിൽ താമസിച്ചിരുന്ന ആൺകുട്ടി സ്ത്രീയുടെ വീട്ടിൽ നിന്ന് മൊബൈൽ ഫോൺ മോഷ്ടിക്കുകയും അത് കണ്ടെത്തിയതിനെ തുടർന്ന് സ്ത്രീയും കുടുംബവും കുട്ടിയെ ശാസിക്കുകയും ചെയ്തിരുന്നു . ഇതിൽ പ്രകോപിതനായ കുട്ടി, അന്ന് മുതൽ പ്രതികാരം ചെയ്യാൻ പോകുന്നുവെന്ന് പറഞ്ഞ് ഇവരെ ഭീഷണിപ്പെടുത്തുമായിരുന്നു . എന്നാൽ സ്ത്രീയും,കുടുംബവും അത് കാര്യമായി എടുത്തിരുന്നില്ല.
ഭർത്താവും മകനും വീട്ടിൽ ഇല്ലെന്നറിഞ്ഞ് ജനുവരി 30ന് രാത്രി കുട്ടി വീട്ടിൽ കയറി ഉറങ്ങുകയായിരുന്ന സ്ത്രീയുടെ കൈകാലുകൾ ബന്ധിക്കുകയും , നിലവിളി പുറത്തുവരാതിരിക്കാൻ പോളിത്തീൻ തുണികൊണ്ട് വായ് പൊത്തിപ്പിടിക്കുകയും ചെയ്തു.
തുടർന്ന് സമീപത്തെ ആളൊഴിഞ്ഞ കെട്ടിടത്തിലേക്ക് വലിച്ചിഴച്ച് ക്കൊണ്ടുപോയി ലൈംഗികമായി പീഡിപ്പിക്കുകയും മൂർച്ചയേറിയ ആയുധങ്ങൾ ഉപയോഗിച്ച് ക്രൂരമായി കൊലപ്പെടുത്തുകയുമായിരുന്നു. സ്ത്രീയുടെ സ്വകാര്യഭാഗങ്ങളും ആയുധങ്ങൾ ഉപയോഗിച്ച് വികൃതമാക്കി. പിന്നീട് ആഭരണങ്ങൾ അപഹരിച്ച് ഒളിവിൽ പോയി . രേവ ജില്ലാ പോലീസ് പിടികൂടിയ 16 കാരനെ ജുവനൈൽ കോടതിയിൽ ഹാജരാക്കി .
Comments