പുൽവാമ ആക്രമണം; വീരമൃത്യു വരിച്ച 40 ജവാന്മാരുടെയും പേരുകൾ സുവർണ്ണ ലിപികളാൽ എഴുതപ്പെട്ടിരിക്കുന്നു; ആഭ്യന്തരമന്ത്രി അമിത് ഷാ

ചണ്ഡീഗഡ്: പുൽവാമ ദിനത്തിൽ ആക്രമണത്തിൽ വീരമൃത്യു വരിച്ച സിആർപിഎഫ് ജവാൻമാരെ അനുസ്മരിച്ച് കേന്ദ്ര ആഭ്യന്തര മന്ത്രി അമിത് ഷാ. 2019-ൽ നടന്ന പുൽവാമ ആക്രമണത്തിൽ 40 ധീര ജവാന്മാരെയാണ് ഭാരതത്തിന് നഷ്ടമായതെന്ന് അദ്ദേഹം ഓർമ്മപ്പെടുത്തി. രാഷ്‌ട്രപതിയുടെ കളർ പുരസ്‌കാരവേളയിൽ സംസാരിക്കുകയായിരുന്നു അദ്ദേഹം.

2019 ഫെബ്രുവരി 14-ന് സിആർപിഎഫ് ഉദ്യോഗസ്ഥർ സഞ്ചരിച്ചിരുന്ന വാഹനത്തിലേക്ക് സ്ഫോടകവസ്തുക്കൾ നിറച്ച ഒരു കാർ ഭീകരർ ഇടിച്ചുകയറ്റുകയായിരുന്നു.
ചാവേറാക്രമണത്തിൽ 40 ജവാന്മാർ വീരമൃത്യു വരിച്ചു. പാകിസ്താൻ ആസ്ഥാനമായി പ്രവർത്തിക്കുന്ന ജെയ്ഷ്-ഇ-മുഹമ്മദ് ആക്രമണത്തിന്റെ ഉത്തരവാദിത്തം ഏറ്റെടുത്തിരുന്നു.