തൃശ്ശൂര് ; ചേർത്ത് പിടിച്ച പ്രണയത്തെ ബാക്കിയാക്കി മടങ്ങിയ പ്രണവ് മലയാളികളെ ഒന്നാകെ വേദനിപ്പിച്ചിരിക്കുകയാണ്. നിരവധിപേര് പ്രണവിന്റെ മരണത്തിൽ വേദന പങ്കുവെച്ചുകൊണ്ട് എത്തുന്നുണ്ട്. ഇപ്പോഴിതാ നടി സീമ ജി. നായര് പ്രണവിനെക്കുറിച്ച് പങ്കുവെച്ച വാക്കുകള് ശ്രദ്ധ നേടുകയാണ്.
ഒരിക്കലെങ്കിലും ഈ പ്രിയപെട്ടവരെ കാണണമെന്ന് ആഗ്രഹിച്ചിരുന്നു. കഴിഞ്ഞ ദിവസം ഷഹാനയുടെ മുഖം നെഞ്ചില് ടാറ്റു ചെയ്ത വീഡിയോ കണ്ടപ്പോള് അടുത്ത് തന്നെ ഒന്ന് കാണണമെന്ന് ആഗ്രഹിച്ചുവെന്നും സീമ ജി നായർ ഫേസ്ബുക്ക് പോസ്റ്റിൽ പറയുന്നു.
ഫേസ്ബുക്ക് കുറിപ്പിന്റെ പൂര്ണരൂപം
പ്രണവിന് ആദരാഞ്ജലികള്. ഒരിക്കലെങ്കിലും ഈ പ്രിയപെട്ടവരെ കാണണമെന്ന് ആഗ്രഹിച്ചിരുന്നു. കഴിഞ്ഞ ദിവസം ഷഹാനയുടെ മുഖം നെഞ്ചില് ടാറ്റു ചെയ്ത വീഡിയോ കണ്ടപ്പോള് അടുത്ത് തന്നെ ഒന്ന് കാണണമെന്ന് ആഗ്രഹിച്ചു. പക്ഷെ ഇപ്പോള് കേട്ടത് വിശ്വസിക്കാന് പറ്റുന്നില്ല. രാവിലെ മുതലുള്ള ഓട്ടം കഴിഞ്ഞു വീട്ടില് എത്തിയപ്പോള് ന്യൂസില് കണ്ടത് ഇത്. ജീവിച്ചു കൊതി തീരാതെയാണല്ലോ മോനെ നിന്റെ മടക്കം. ആ കുട്ടി എങ്ങനെ ഇതിനെ അതിജീവിക്കും.
വെള്ളിയാഴ്ച രാവിലെയാണ് പ്രണവ് മരണപ്പെട്ടത്. രക്തം ഛര്ദ്ദിച്ചതിനെ തുടര്ന്ന് അവശനായ പ്രണവിനെ ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല. പ്രണവ് ഷഹാന എന്ന പേരിലാണ് ഇദ്ദേഹം സമൂഹമാധ്യമങ്ങളില് അറിയപ്പെട്ടിരുന്നത്. 2022 മാര്ച്ച് നാലിനാണ് പ്രണവ് തിരുവന്തപുരം സ്വദേശിയായ ഷഹാനയെ ജീവിത സഖിയാക്കുന്നത്.
Comments