ഇടുക്കി ; കിടപ്പുരോഗിയായ ഭര്ത്താവിന്റെ കഴുത്ത് അറുത്ത് ഭാര്യ ആത്മഹത്യ ചെയ്തു. കരിപ്പിലങ്ങാട് സ്വദേശി മിനി മോളാണ് ആത്മഹത്യ ചെയ്തത്. ഗുരുതരമായി പരിക്കേറ്റ ഭർത്താവ് സുകുമാരൻ ചികിത്സയിലാണ്. കഴുത്തറുത്തശേഷം ഭാര്യ തൂങ്ങി മരിക്കുകയായിരുന്നു. ഇന്ന് രാവിലെയാണ് സംഭവം.
റിട്ട. റെയിൽവേ ഉദ്യോഗസ്ഥനായ സുകുമാരൻ ഏറെ കാലമായി കിടപ്പിലായിരുന്നു. ഭാര്യ മിനിയും ഹോംനഴ്സുമാണ് സുകുമാരനെ പരിചരിച്ചിരുന്നത്. ഹോംനഴ്സ് വീട്ടിൽ ഇല്ലാത്ത സമയത്താണ് ഭർത്താവിന്റെ കഴുത്ത് അറുത്തത്.
ഹോംനഴ്സ് സോണിയ രാവിലെ വീട്ടിലെത്തിയപ്പോഴാണ് സംഭവം അറിയുന്നത്. സുകുമാരനും മിനിയും തമ്മിൽ മറ്റു പ്രശ്നങ്ങൾ ഒന്നും ഉണ്ടായിരുന്നില്ലെന്നും മറ്റാരെയും സംശയമില്ലെന്നും സോണിയ പറഞ്ഞു. തൊടുപുഴയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന സുകുമാരൻ അപകട നില തരണം ചെയ്തിട്ടുണ്ട്. കുളമാവ് പോലീസ് അന്വേഷണം ആരംഭിച്ചു.
Comments