പട്ന : അഗ്നിവീറുകളെ ഹിജഡ സേനയെന്ന് അധിക്ഷേപിച്ച് ആർജെഡി മന്ത്രി സുരേന്ദ്ര യാദവ്. സൈന്യത്തെ അപമാനിച്ച സുരേന്ദ്ര യാദവിനെ മന്ത്രിസഭയിൽ നിന്നു പുറത്താക്കി ജയിലിലടയ്ക്കണമെന്ന് ബിജെപി വക്താവ് നിഖിൽ ആനന്ദ് ആവശ്യപ്പെട്ടു.
അഗ്നിവീർ പദ്ധതി സൈന്യത്തെ ദുർബലമാക്കുമെന്നും എട്ടര വർഷം കഴിയുമ്പോൾ നിലവിലുള്ള സൈന്യകരെല്ലാം വിരമിക്കും. അപ്പോൾ ഹിജഡകളാണ് അവശേഷിക്കുകയെന്നുമുള്ള സുരേന്ദ്ര യാദവിന്റെ പരാമർശമാണ് ഇപ്പോൾ വിവാദത്തിലായത്.
എട്ടര വർഷം കഴിയുമ്പോൾ നിലവിലുള്ള സൈനികരെല്ലാം വിരമിക്കുമെന്നും, അഗ്നിവീറുകളുടെ പരിശീലനം പൂർത്തിയാകുകയുമില്ലെന്നും സുരേന്ദ്ര യാദവ് പറഞ്ഞു. നാലര വർഷം കൊണ്ട് എന്തു പരിശീലനമാണ് അഗ്നിവീറുകൾക്ക് നേടാൻ കഴിയുക. അഗ്നിവീർ പദ്ധതി നിർദേശിച്ചയാളെ തൂക്കിലേറ്റണമെന്നും അഗ്നിവീർ പദ്ധതിയിൽ നിന്ന് 25–26 വയസ്സിൽ വിരമിക്കുന്നവരെ വിവാഹം ചെയ്യാൻ ആരെ കിട്ടുമെന്നും സുരേന്ദ്ര യാദവ് ചോദിച്ചു.
Comments