ഭോപ്പാൽ: മദ്ധ്യപ്രദേശിൽ ബുൾഡോസർ നടപടിയുമായി വനിതാ പോലീസുദ്യോഗസ്ഥർ. ബലാത്സംഗക്കേസ് പ്രതിയുടെ വീടാണ് ഒരു കൂട്ടം വനിതാ പോലീസുകാരെത്തി ബുൾഡോസർ കൊണ്ട് പൊളിച്ചുനീക്കിയത്. പോലീസ് ഉദ്യോഗസ്ഥ ബുൾഡോസർ പ്രയോഗിക്കുന്നതിന്റെ ദൃശ്യങ്ങളും ഇതിനോടകം വൈറലാണ്.
മദ്ധ്യപ്രദേശിന്റെ തലസ്ഥാന നഗരമായ ഭോപ്പാലിൽ നിന്ന് 250 കിലോമീറ്റർ മാറി ദമോ എന്ന സ്ഥലത്താണ് സംഭവം. പ്രായപൂർത്തിയാകാത്ത പെൺകുട്ടി ഇവിടെ ബലാത്സംഗത്തിന് വിധേയയായിരുന്നു. കേസുമായി ബന്ധപ്പെട്ട് മൂന്ന് പേരെ പോലീസ് അറസ്റ്റ് ചെയ്തുവെങ്കിലും ഒളിവിൽ കഴിയുന്ന നാലാം പ്രതി കൗശൽ കിഷോർ ചൗബേയെ ഇതുവരെ കണ്ടെത്താനായില്ല. ഇതോടെയാണ് പ്രതിക്കെതിരെ പോലീസ് നടപടിയെടുത്തത്.
Madhya Pradesh | A minor girl was raped by 4 people. 3 accused were arrested earlier & one accused (Kaushal Kishore Choubey) was arrested today.The accused Kaushal K Choubey had encroached on govt land, which was removed using bulldozer: P Kurmi, Raneh PS in-charge, Damoh (09.03) pic.twitter.com/8Y9d5Nv3NV
— ANI MP/CG/Rajasthan (@ANI_MP_CG_RJ) March 9, 2023
കൗശൽ കിഷോറിന്റെ വീട് വനിതാ പോലീസുദ്യോഗസ്ഥരെത്തി പൊളിച്ചുനീക്കി. വീട് അനധികൃതമായി നിർമ്മിച്ചതാണെന്ന് കണ്ടെത്തിയതിന്റെ പശ്ചാത്തലത്തിലാണ് നടപടി സ്വീകരിച്ചതെന്ന് പോലീസുകാർ അറിയിച്ചു.
Comments