സംഗീതം വിഷമാണ് , അത് കേൾക്കരുത് ; മുസ്ലീങ്ങൾക്ക് ക്രിസ്മസ് ട്രീകളുമായി യാതൊരു ബന്ധവും പാടില്ല , അങ്ങനെയുള്ളവരെ ശിക്ഷിക്കണമെന്ന് ഇമാം ഹാഫിസ് മുഹമ്മദ് അൻവർ

ലണ്ടൻ : സ്വവർഗ്ഗരതി ക്രൂരവും , സംഗീതം വിഷവുമാണെന്ന് പ്രസ്താവിച്ച് വെസ്റ്റ് യോർക്ക്ഷെയറിലെ വേക്ക്ഫീൽഡിലെ ജാമിയ മസ്ജിദ് സ്വഫിയ പള്ളിയിലെ ഇമാം ഹാഫിസ് മുഹമ്മദ് മതീൻ അൻവർ . അവിശ്വാസികളുടെ ആഘോഷ ദിവസങ്ങളിൽ അവരുമായി പൊരുത്തപ്പെടുന്നവർക്ക് ശിക്ഷ നൽകണമെന്നും , മുസ്ലീങ്ങൾക്ക് ക്രിസ്മസ് ട്രീകളുമായി യാതൊരു ബന്ധവും പാടില്ലെന്നും മുഹമ്മദ് അൻവർ പറയുന്നു.

ഖുറാൻ കീറിയതുമായി ബന്ധപ്പെട്ട് യുകെയിൽ ഒരു വിദ്യാർത്ഥിയ്‌ക്കെതിരെ വധഭീഷണി ഉയർന്നിരുന്നു . ഈ സാഹചര്യത്തിൽ സംഘടിപ്പിച്ച പരിപാടിയിലാണ് ഇമാമിന്റെ വിദ്വേഷ പ്രസംഗം .

ഇസ്ലാം മതത്തിൽ നിന്നുള്ള ആരെങ്കിലും, അവിശ്വാസികളുടെ ആഘോഷത്തിൽ പങ്കെടുക്കുകയാണെങ്കിൽ ആ വ്യക്തി ശിക്ഷിക്കപ്പെടണമെന്നാണ് ഇമാം ഹാഫിസ് മുഹമ്മദ് അൻവർ പറഞ്ഞത് . ശരിയത്ത് നിയമം ഇല്ലാത്ത യുകെയിലാണ് താൻ ജീവിച്ചതെന്നും ഇമാം പറയുന്നു . “ഞാൻ നിങ്ങളോട് വിശദീകരിക്കാൻ ശ്രമിക്കുന്നത് ഒരു അവിശ്വാസിയെ അവരുടെ ആഘോഷ ദിനത്തിൽ അഭിനന്ദിക്കുന്നവനും ശിക്ഷിക്കപ്പെടണം എന്നാണ് . ക്രിസ്മസ് മതപരമല്ല . ക്രിസ്ത്യൻ പാരമ്പര്യങ്ങളിൽ പങ്കെടുക്കരുത് . യഥാർത്ഥത്തിൽ അവരെ ക്രിസ്ത്യാനികൾ എന്ന് വിളിക്കാൻ കഴിയില്ല, കാരണം അവർ യഥാർത്ഥ ക്രിസ്തുമതം പോലും പിന്തുടരുന്നില്ല. ക്രിസ്തുമസ് ഒരു ആഘോഷമാണ്, അതിന് മതവുമായി യാതൊരു ബന്ധവുമില്ല. ഒരു കുടുംബ ഭക്ഷണം കഴിക്കുന്നത് തികച്ചും നല്ലതാണ്, ആളുകൾക്ക് ഭക്ഷണം നൽകുക, സമാധാനം പ്രചരിപ്പിക്കുക, എന്നാൽ ക്രിസ്മസ് ദിനത്തിൽ നിങ്ങൾ ബഹുസ്വരതയുള്ളവരാണെന്ന് ആളുകളെ കാണിക്കാൻ സ്നാപ്പ് ചെയ്യരുത്. നിങ്ങൾ ആരെയാണ് ആകർഷിക്കാൻ ശ്രമിക്കുന്നത്?”

മുസ്ലീങ്ങൾക്ക് ക്രിസ്മസ് ട്രീകളുമായോ ക്രിസ്മസ് ലൈറ്റുകളുമായോ യാതൊരു ബന്ധവും പാടില്ല. അയൽവാസികൾക്ക് ക്രിസ്മസ് ദിനത്തിൽ ഭക്ഷണം നൽകുന്നത് അവരുടെ ആഘോഷത്തെ അംഗീകരിക്കുകയാണ് ചെയ്യുന്നത് .അത് ചെയ്യാൻ നിങ്ങൾക്ക് അനുവാദമില്ല.

കുട്ടികളെ സാന്തയുടെ മടിയിൽ ഇരിക്കാനോ നേറ്റിവിറ്റി ഷോകളുടെ ഭാഗമാക്കാനോ മാതാപിതാക്കൾ അനുവദിക്കരുത്. ആരെങ്കിലും ക്രിസ്തുമസ് ആശംസിക്കുമ്പോൾ, നന്ദി പറയുക, നല്ലൊരു അവധിക്കാലം ആഘോഷിക്കൂ. നിങ്ങൾ തിരിഞ്ഞു നിന്ന് ക്രിസ്തുമസ് ആശംസിക്കേണ്ട ആവശ്യമില്ല. നിങ്ങളുടെ സ്നേഹവും വെറുപ്പും അല്ലാഹുവിന് വേണ്ടി ആയിരിക്കണമെന്നും മുഹമ്മദ് അൻവർ പറയുന്നു.