തിരുവനന്തപുരം: പ്രശസ്ത സാഹിത്യകാരി സാറ തോമസ് അന്തരിച്ചു. തിരുവനന്തപുരത്തെ വസതിയിൽ ഇന്ന് പുലർച്ചെയോടെയായിരുന്നു അന്ത്യം. 88 വയസ്സായിരുന്നു.
സംസ്ഥാന ദേശീയ തലങ്ങളിൽ പ്രശസ്തയായ സാഹിത്യകാരിയായിരുന്നു സാറാ തോമസ്. കേരള സാഹിത്യ അക്കാദമി പുരസ്കാരം ഉൾപ്പെടെ നിരവധി പുരസ്കാരങ്ങൾ നേടിയിട്ടുണ്ട്. 1979 ൽ നാർമടിപ്പുടവ എന്ന രചനയ്ക്കാണ് കേരള സാഹിത്യ അക്കാദമി പുരസ്കാരം ലഭിച്ചത്. ഇരുപതോളം നോവലുകൾ രചിച്ചിട്ടുണ്ട്. ജീവിതം എന്ന നദി’ ആണ് ആദ്യനോവൽ. സാറാ തോമസിന്റെ ‘മുറിപ്പാടുകൾ’ എന്ന നോവൽ പിഎ ബക്കർ മണിമുഴക്കം എന്ന സിനിമയാക്കി.
നാർമടിപ്പുടവ, ദൈവമക്കൾ, അഗ്നിശുദ്ധി, ചിന്നമ്മു, വലക്കാർ, നീലക്കുറിഞ്ഞികൾ ചുവക്കും നേരം, ഗ്രഹണം, തണ്ണീർപ്പന്തൽ, യാത്ര, കാവേരി എന്നിവയാണ് സാറാ തോമസിന്റെ ശ്രദ്ധേയ കൃതികൾ.
സംസ്കാരം നാളെ ഉച്ചയ്ക്ക് രണ്ട് മണിക്ക് പാറ്റൂർ മാർത്തോമ പള്ളി സെമിത്തേരിയിൽ നടക്കും.
Comments