‘ ഇന്ത്യയിലെ നിയമങ്ങൾ വളരെ കർശനമാണ്, ഞങ്ങൾക്ക് ഈ രാജ്യത്തിന്റെ നിയമങ്ങൾക്കപ്പുറത്തേക്ക് പോകാൻ കഴിയില്ല ‘ ; ബിബിസിയ്‌ക്ക് മുന്നിൽ നയം വ്യക്തമാക്കി എലോൺ മസ്ക്

വാഷിംഗ്ടൺ : ഇന്ത്യയിലെ സോഷ്യൽ മീഡിയ നിയമങ്ങൾ വളരെ കർശനമാണെന്നും, തങ്ങൾക്ക് രാജ്യത്തിന്റെ നിയമങ്ങൾക്കപ്പുറത്തേക്ക് പോകാൻ കഴിയില്ലെന്നും വ്യക്തമാക്കി ട്വിറ്റർ ഉടമ എലോൺ മസ്‌ക് . പ്രധാനമന്ത്രി നരേന്ദ്ര മോദിയുമായി ബന്ധപ്പെട്ട ഡോക്യുമെന്ററിയെ കുറിച്ചുള്ള ചോദ്യത്തിനു മറുപടി നൽകുകയായിരുന്നു മസ്ക് . ഡോക്യുമെന്ററിയുമായി ബന്ധപ്പെട്ട ഉള്ളടക്കങ്ങൾ നീക്കിയത് എന്തുകൊണ്ടാണെന്ന് അറിയില്ലെന്നും ബിബിസിയ്‌ക്ക് നൽകിയ അഭിമുഖത്തിൽ തന്നെ അദ്ദേഹം വ്യക്തമാക്കി .

‘എനിക്ക് ഈ പ്രത്യേക സാഹചര്യത്തെക്കുറിച്ച് അറിയില്ല സൈറ്റ് ചില ഉള്ളടക്കങ്ങൾ നീക്കം ചെയ്തോ എന്ന് ചോദിച്ചപ്പോൾ. ഇന്ത്യൻ സർക്കാരിന്റെ നിർദ്ദേശം അനുസരിക്കാതെ കഴിയില്ലെന്നും‘ മസ്ക് പറഞ്ഞു .”സോഷ്യൽ മീഡിയയിൽ ഇന്ത്യയിലെ നിയമങ്ങൾ വളരെ കർശനമാണ്, ഞങ്ങൾക്ക് രാജ്യത്തിന്റെ നിയമങ്ങൾക്കപ്പുറത്തേക്ക് പോകാൻ കഴിയില്ല , ജീവനക്കാർ ജയിലിൽ പോകണോ,നിയമങ്ങൾ അനുസരിക്കണോ എന്നതിലൊന്നു തിരഞ്ഞെടുക്കേണ്ടി വന്നാൽ, നിയമം പാലിക്കാനാണു തീരുമാനിക്കുക “ മസ്‌ക് വ്യക്തമാക്കി .