10 മാസം പ്രായമായ കുഞ്ഞുമായി തനിച്ച് യാത്ര , ലഗേജ് ചുമന്ന് പുറത്തെത്തിച്ച് നൽകി നടൻ അജിത് : ‘ എനിക്കും കുഞ്ഞുങ്ങളുണ്ട് , ഈ ബുദ്ധിമുട്ട് മനസ്സിലാക്കാൻ കഴിയുമെന്നും ‘ താരം

തമിഴ് താരം അജിത് കുമാറിന് ശക്തമായ ആരാധകരുണ്ട്. അദ്ദേഹത്തിന്റെ ഓരോ സിനിമയും വളരെ പ്രശസ്തമാണ്. എന്നാൽ ഇത്തവണ അജിത്ത് ജനശ്രദ്ധയാകർഷിക്കുന്നത് അദ്ദേഹത്തിന്റെ സിനിമകൾ കൊണ്ടല്ല, ഹൃദയം കൊണ്ടാണ്. ലണ്ടനിൽ നിന്നുള്ള നടന്റെ ചിത്രം വൈറലാകുകയാണ്, അതിൽ അദ്ദേഹത്തിനൊപ്പം ഒരു സ്ത്രീയും , കുഞ്ഞുമുണ്ട് .

10 മാസം പ്രായമുള്ള കുഞ്ഞിനോടൊപ്പം തനിച്ച് ഏറെ ബുദ്ധിമുട്ടി യാത്ര ചെയ്യുകയായിരുന്ന യുവതിയ്‌ക്ക് ലഗേജ് ചുമന്ന് പുറത്തെത്തിച്ച് നൽകിയത് നടൻ അജിതാണ് . കുട്ടികളുമായി യാത്ര ചെയ്യുന്നത് എളുപ്പമല്ലെന്ന് എല്ലാവർക്കും അറിയാം . അത്തരമൊരു സാഹചര്യത്തിൽ ലഗേജും കുട്ടിയെയും പിടിക്കാൻ അവർക്ക് ബുദ്ധിമുട്ടായിരുന്നു. യുവതിയുടെ പ്രശ്‌നം നേരിൽ കണ്ടതോടെയാണ് അജിത് കുമാർ യുവതിയെ സഹായിച്ചത് . യുവതിയുടെ ഭർത്താവ് തന്നെയാണ് വിവരം സോഷ്യൽ മീഡിയയിൽ പങ്ക് വച്ചത് .

‘എന്റെ ഭാര്യ ഗ്ലാസ്‌ഗോയിൽ നിന്ന് ചെന്നൈയിലേക്ക് പോവുകയായിരുന്നു. 10 മാസം പ്രായമുള്ള കുഞ്ഞിനൊപ്പം അവൾ തനിച്ചായിരുന്നു. ഇതിനിടയിൽ നടൻ അജിത് കുമാറിനെ കാണാൻ അവസരം ലഭിച്ചു. സ്യൂട്ട്‌കേസും കുട്ടിയുമായി അവൾ താരത്തെ കാണാനെത്തി. എന്നാൽ അദ്ദേഹം ഒപ്പം ചിത്രം എടുക്കുക മാത്രമല്ല എന്റെ ഭാര്യയെ സഹായിക്കുകയും ചെയ്തു. അദ്ദേഹം ഞങ്ങളുടെ സ്യൂട്ട്കേസ് പിടിച്ചു. ഭാര്യ നിരവധി തവണ വിലക്കിയെങ്കിലും എനിക്കും രണ്ടു കുട്ടികളുണ്ട്. എനിക്ക് മനസ്സിലാക്കാൻ കഴിയും ഈ ബുദ്ധിമുട്ടുകളെന്നും അദ്ദേഹം പറഞ്ഞു ‘ യുവതിയുടെ ഭർത്താവ് കുറിപ്പിൽ പറയുന്നു . അജിതിനോടൊപ്പമുള്ള യുവതിയുടെ ചിത്രവും പങ്ക് വച്ചിട്ടുണ്ട് . പോസ്റ്റ് ഇതിനോടകം വൈറലായി കഴിഞ്ഞു . അജിത് സിനിമകളിൽ മാത്രമല്ല, യഥാർത്ഥത്തിലും ഒരു നായകനാണ് ‘ എന്നാണ് കമന്റുകൾ.