ഒമാൻ: റമദാൻ 30 പൂർത്തിയാക്കി ഒമാനിലെ വിശ്വാസികൾ ചെറിയ പെരുന്നാൾ ആഘോഷിച്ചു. ഒമാന്റെ വിവിധ ഭാഗങ്ങളിലെ മലയാളി കൂട്ടായ്മകളുടെ നേതൃത്വത്തിൽ ഈദ്ഗാഹുകളും പെരുന്നാൾ നമസ്‌കാരവും നടന്നു. മസ്‌കറ്റും, സലാലയും ഉൾപ്പെടെ രാജ്യത്തിന്റെ വിവിധ സ്ഥവങ്ങളിൽ നിന്നുള്ള മലയാളികളാണ് ഈദ് ഗാഹ് സംഘടിപ്പിച്ചത്. കേരളത്തിൽ നിന്നെത്തിയ പണ്ഡിതൻമാരാണ് ഈദ് ഗാഹിന് നേതൃത്വം നൽകിയത്.
പെരുന്നാൾ നമസ്‌കാരത്തിൽ സ്ത്രീകളടക്കം ആയിരകണക്കിന് ആളുകളാണ് പങ്കെടുത്തത്. മബെല ബി പി മസ്ജിദിൽ നടന്ന ചെറിയ പെരുന്നാൾ നമസ്‌കാരത്തിന് ശക്കീർ ഫൈസി തലപ്പുഴയാണ് നേതൃത്വം നൽകിയത്. മാൾ ഓഫ് മസ്‌കറ്റിനു സമീപം നടന്ന ഈദ്ഗാഹിന് ഡോ. നഹാസ് മാളയും, ന. മബെല ഇന്ത്യൻ സ്‌കൂളിന് സമീപം നടന്ന പെരുന്നാൾ നമസ്‌കാരത്തിന് മുഹമ്മദ് ഉവൈസ് വഹബിയും നേതൃത്വം നൽകി. പെരുന്നാൾ നമസ്‌കാരത്തിന് ശേഷം ആശംസകൾ കൈമാറിയും സ്‌നേഹബന്ധങ്ങൾ ഊട്ടിയുറപ്പിച്ചുമായിരുന്നു വിശ്വാസികൾ ഈദ്ഗാഹുകളിൽ നിന്ന് പിരിഞ്ഞത്. പെരുന്നാൾ ആഘോഷത്തോടനുബന്ധിച്ച് വിവിധയിടങ്ങളിൽ പായസ വിതരണവും സംഘടിപ്പിച്ചിരുന്നു.
Comments