തിരുവനന്തപുരം മൃഗശാലയിലെ ജീവനക്കാരുടെ അനാസ്ഥ; ഇലക്ട്രിക് വാഹനത്തിൽ താക്കോൽ വെച്ച് മറന്നു; കുട്ടികൾ കയറി കളിച്ചുണ്ടായ അപകടത്തിൽ സന്ദർശകർക്ക് പരിക്ക്

തിരുവനന്തപുരം: തിരുവനന്തപുരം മൃഗശാലയിൽ ഇല്ക്ട്രിക് വാഹനാപകടത്തിൽ രണ്ട് പേർക്ക് പരിക്ക്. മൃഗശാലയിലെ ജീവനക്കാരുടെ ഗുരുതര അനാസ്ഥയെ തുടർന്നാണ് അപകടമുണ്ടായത്. മൃഗശാലയ്‌ക്ക് ഉള്ളിൽ സഞ്ചരിയ്‌ക്കുന്ന ഇലക്ട്രിക് വാഹനത്തിൽ താക്കോൽ വെച്ച് ജീവനക്കാർ പോയിരുന്നു. ഈ സമയം ഇവിടെ കളിച്ചുകൊണ്ടിരുന്ന കുട്ടികൾ വാഹനത്തിൽ കയറി.

ഇതിനിടയിൽ വാഹനം സ്റ്റാർട്ടായി മുന്നോട്ട് പോകുകയയും അപകടമുണ്ടാകുകയുമായിരുന്നു. മൃഗശാല സന്ദർശിക്കുന്നതിനെത്തിയ രണ്ട് പേർക്കാണ് പരിക്കേറ്റത്. ഈ മാസം ഇരുപതിനാണ് തിരുവനന്തപുരം മൃഗശാലയിൽ രണ്ട് ഇലക്ട്രിക് വാഹനങ്ങൾ എത്തുന്നത്. മൃഗശാലയിൽ സന്ദർശകർക്കായി രണ്ട് ബാറ്ററി വാഹനങ്ങളാണ് ഏർപ്പെടുത്തിയത്. രണ്ട് ബാറ്ററി വാഹനങ്ങളുടെയും ഫ്‌ളാഗ് ഓഫ് കർമ്മം നിർവഹിച്ചത് മന്ത്രി ജെ ചിഞ്ചുറാണി ആയിരുന്നു. നിലവിൽ അഞ്ച് ബാറ്ററി വാഹനങ്ങളാണ് മൃഗശാലയിലുള്ളത്.