ഷാർജ: കുരുന്നുകൾക്ക് വായനയുടെ വസന്തമൊരുക്കി ഷാർജ ചിൽഡ്രൻസ് റീഡിങ് ഫെസ്റ്റിവൽ. ദിവസവും വായനോത്സവത്തിലേക്ക് ഒഴുകിയെത്തുന്നത് ആയിരകണക്കിന് കുട്ടികളാണ്. പഠനത്തിന്റെ മടുപ്പിൽ ബോറടിക്കുന്ന കുട്ടികൾക്ക് ആനന്ദവും ആശ്വാസവും വിദ്യയും പകരുന്ന വേദിയായി മാറിയിരിക്കുകയാണ് വായനോത്സവം.
കുട്ടിവായനയുടെ വലിയലോകം തീർത്തിരിക്കുകയാണ് ഷാർജ ചിൽഡ്രൻസ് റീഡിങ് ഫെസ്റ്റിവൽ. പുസ്തകമേളയിൽ കുഞ്ഞുവായനയുടെ സന്തോഷത്തിലാണ് യു.എ.ഇയിലെ സ്‌കൂൾ വിദ്യാർത്ഥികൾ. ദിവസേന ആയിരക്കണക്കിന് വിദ്യാർത്ഥികളാണ് മേള സന്ദർശിക്കുന്നത്. രാവിലെ 10 മണി മുതൽ തന്നെ സ്‌കൂൾ ബസുകളിൽ അദ്ധ്യാപകരോടൊപ്പാണ് വിദ്യാർത്ഥികൾ ഒഴുകിയെത്തുകയാണ്.
അറബി, ഇംഗ്ലീഷ് ഭാഷകളിലുള്ള പുസ്തകങ്ങളാണ് കുട്ടികൾ കൂടുതലും വാങ്ങുന്നത്. കുഞ്ഞുകഥകൾ, കവിതകൾ, കുറിപ്പുകൾ, ചിത്രകഥകൾ തുടങ്ങിയ ബാലസാഹിത്യങ്ങളാണ് കുട്ടികൾക്കിഷ്ടം. കഥയും കാര്യവുംകൊണ്ട് ഉത്സവം തീർക്കുകയാണ് ഷാർജയിലെ പുസ്തകോത്സവം.
Comments