മൂന്ന് ദിവസത്തെ ഇടിവിന് ശേഷം ഉയർന്ന് സ്വർണവില; അറിയാം ഇന്നത്തെ വില

തിരുവനന്തപുരം: തുടർച്ചയായ മൂന്ന് ദിവസത്തെ ഇടിവിന് ശേഷം സംസ്ഥാനത്ത് ഇന്ന് സ്വർണവിലയിൽ വർദ്ധനവ്. പവന് 400 രൂപയുടെ വർദ്ധനവാണ് ഇന്നുണ്ടായിരിക്കുന്നത്. ഇതോടെ സംസ്ഥാനത്ത് ഇന്ന് വിപണിയിൽ പവന് 45,040 രൂപയായി. 5,630 രൂപയാണ് ഇന്ന് 22 കാരറ്റ് ഒരു ഗ്രാം സ്വർണത്തിന്റെ വിപണിവില. 18 കാരറ്റ് സ്വർണത്തിന് ഒരു ഗ്രാമിന് 4,665 രൂപയാണ് ഇന്നത്തെ വിപണിവില. ഇന്നലത്തേതിൽ നിന്ന് ഇന്ന് 22 കാരറ്റ് സ്വർണത്തിന് ഗ്രാമിന് 50 രൂപയാണ് വർദ്ധിച്ചിരിക്കുന്നത്. 18 കാരറ്റ് സ്വർണത്തിന് ഗ്രാമിന് 40 രൂപയും കൂടി.

ഇന്നലെ ഒരു പവൻ സ്വർണത്തിന് 240 രൂപയാണ് ഇടിവുണ്ടായത്. ഇതോടെ ഒരു പവൻ സ്വർണത്തിന്റെ വിപണിവില ഇന്നലെ 44,640 രൂപ എന്ന നിലയിലേക്ക് കൂപ്പുകുത്തുകയായിരുന്നു. വെള്ളിയുടെ വിലയും ഒരു രൂപ ഉയർന്നു. ഒരു ഗ്രാം സാധാരണ വെള്ളിയുടെ വില ഇതോടെ 79 രൂപയായി. അതേസമയം ഹാൾമാർക്ക് വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വില 103 രൂപയാണ്.