ചെന്നൈ: അധികാരത്തിലേറിയ കർണ്ണാടകയിലെ കോൺഗ്രസ് സർക്കാർ ഒരു വർഷത്തിനുള്ളിൽ തകർന്ന് വീഴുമെന്ന് തമിഴ്‌നാട് ബിജെപി അദ്ധ്യക്ഷൻ അണ്ണാമലൈ. 2024 ആകുമ്പോഴേയ്‌ക്കും ഈ കോൺഗ്രസ് സർക്കാർ സിദ്ധരാമയ്യയുടെയും ഡി.കെ. ശിവകുമാറിന്റെയും അഭിപ്രായ ഭിന്നതയുടെ പേരിൽ നിലം പൊത്തുമെന്നും അണ്ണാമലൈ പറഞ്ഞു.
ഇനി അങ്ങനെ സംഭവിച്ചില്ലെങ്കിൽ സിദ്ധരാമയ്യയ്ക്കും ശിവകുമാറിനും സമാധാനത്തിനുള്ള നോബേൽ സമ്മാനം കൊടുക്കണമെന്നും അണ്ണാമലൈ കൂട്ടിച്ചേർത്തു.
കഴിഞ്ഞ ദിവസമാണ് സിദ്ധരാമയ്യ കർണ്ണാടക മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റത്. ഫലപ്രഖ്യാപനത്തിന് ശേഷം മുഖ്യമന്ത്രിക്കസേരയ്‌ക്ക് വേണ്ടി സിദ്ധരാമയ്യയും ശിവകുമാറും തമ്മിൽ നടത്തിയ ദിവസങ്ങൾ നീണ്ട പരസ്യമായ പോരിന് ഒടുവിലാണ് സിദ്ധരാമയ്യയെ മുഖ്യമന്ത്രിയായി പ്രഖ്യാപിച്ചത്.
Comments