പിറന്നാൾ ദിനത്തിൽ ഹൃദയാഘാതത്തെ തുടർന്ന് വിദ്യാർഥി മരിച്ചു. തെലങ്കാനയിലെ ആസിഫാബാദ് സ്വദേശി സിഎച്ച് സച്ചിൻ(16) ആണ് മരിച്ചത്. പിറന്നാൾ ദിനത്തിൽ മകനുവേണ്ടി വലിയ ആഘോഷമായിരുന്നു കുടുംബം ഒരുക്കിയിരുന്നത്.
ആഘോഷങ്ങൾക്കിടയിൽ സച്ചിൻ പെട്ടെന്ന് കുഴഞ്ഞുവീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചു. എന്നാൽ അന്ത്യകർമങ്ങൾക്ക് മുമ്പ് മകന്റെ മൃതദേഹത്തിനരികിൽ ജന്മദിനം ആഘോഷിക്കാൻ കുടുംബാംഗങ്ങൾ തീരുമാനിക്കുകയായിരുന്നു. തുടർന്ന് ജന്മദിനം ആഘോഷിച്ച ശേഷമായിരുന്നു മൃതദേഹം സംസ്‌കരിച്ചത്.
Comments