എറണാകുളം: സംസ്ഥാനത്ത് ജൂൺ ഏഴ് മുതൽ സ്വകാര്യ ബസ് പണിമുടക്ക്. ബസ് ഉടമകളുടെ സംയുക്ത സമരസമിതിയാണ് പണിമുടക്ക് നടത്താൻ തീരുമാനിച്ചിരിക്കുന്നത്. വിദ്യാർത്ഥികളുടെ കൺസഷൻ പ്രായപരിധി നിശ്ചയിക്കണമെന്നും വിദ്യാർഥികളുടെ ബസ് ചാർജ് വർദ്ധിപ്പിക്കണമെന്നും ആവശ്യപ്പെട്ടാണ് പണിമുടക്ക് നടത്തുന്നത്. എറണാകുളത്ത് ചേർന്ന സ്വകാര്യ ബസുടമകളുടെ സംയുക്ത സമരസമിതിയുടെ യോഗത്തിലാണ് അന്തിമ തീരുമാനം.
ജൂൺ ഒന്നിന് വിദ്യാലയങ്ങൾ തുറക്കുന്നതിന് പിന്നാലെയാണ് ബസ് പണിമുടക്ക് ആരംഭിക്കുന്നത്. വിദ്യാർത്ഥികളുടെ കൺസഷൻ ചാർജുമായി ബന്ധപ്പെട്ട ജസ്റ്റിസ് രാമചന്ദ്രൻ കമ്മിഷന്റെ റിപ്പോർട്ട് നടപ്പാക്കുക, മിനിമം ചാർജ് അഞ്ച് രൂപയാക്കുക, ലിമിറ്റഡ് സ്റ്റോപ്പ് ബസുകൾ തുടരാൻ അനുവദിക്കുക, നിലവിലെ ബസ് പെർമിറ്റുകൾ നിലനിർത്തുക എന്നിങ്ങനെയാണ് സമരസമിതി മുന്നോട്ടുവെയ്ക്കുന്ന ആവശ്യങ്ങൾ.
Comments