സോൾ: ഉത്തരകൊറിയൻ ഭരണാധികാരി കിം ജോങ്ങ് ഉന്നിന് ഉറക്കമില്ലായ്മ. ഇതിനെ തുടർന്ന് മദ്യവും സിഗരറ്റും അമിതമായി ഉപയോഗിക്കുന്നുവെന്നാണ് റിപ്പോർട്. ദക്ഷിണ കൊറിയയുടെ രഹസ്യാന്വേഷണ ഏജൻസിയാണ് ഇക്കാര്യം പുറത്ത് വിട്ടത്. കിമ്മിന്റെ ഉറക്കമില്ലാത്ത അവസ്ഥയെ കുറിച്ച് ഉത്തരകൊറിയൻ മുതിർന്ന ഉദ്യോഗസ്ഥർ വിദേശ മെഡിക്കൽ വിവരങ്ങൾ ശേഖരിച്ചു വരികയാണ്. സോൾപിഡെം പോലെയുള്ള മരുന്നുകളുടെ വിശദാംശങ്ങൾ അടക്കം തേടുന്നുണ്ടെന്നാണ് റിപ്പോർട്ട്.
ഇത് കൂടാതെ കിമ്മിനെ മറ്റൊരു ആരോഗ്യ പ്രശ്നവും ബാധിച്ചിട്ടുണ്ട്. അദ്ദേഹത്തിന്റെ കൈത്തണ്ടയിൽ പോറലുകളും പാടുകളും ധാരാളമായി കാണപ്പെടുന്നുണ്ട്. ഇത് സ്ട്രെസ് മൂലമുണ്ടാകുന്ന ചർമ്മപ്രശ്നമാണെന്നാണ് ആരോഗ്യപ്രവർത്തകർ പറയുന്നത്.
ദക്ഷിണ കൊറിയൻ മന്ത്രിയായ യോ സാങ് ബം, പാർലമെന്ററി ഇന്റലിജൻസ് കമ്മിറ്റി എക്സിക്യൂട്ടീവ് സെക്രട്ടറി എന്നിവരും മാദ്ധ്യമങ്ങലോട് വിവരങ്ങൾ പങ്കുവെച്ചിട്ടുണ്ട്. അതിന് പുറമെ, ഉത്തരകൊറിയ അടുത്ത കാലത്തായി വലിയതോതിൽ മാൾബെറോ, ഡാൺഹിൽ അടക്കമുള്ള വിദേശ സിഗരറ്റുകളും മദ്യത്തിനൊപ്പം കഴിക്കുന്ന ഉയർന്ന വിലയുടെ സ്നാക്സും വാങ്ങി സംഭരിച്ചതായും വാർത്തകളുണ്ട്.
മേൽപ്പറഞ്ഞ കാര്യങ്ങൾക്ക് പുറമെ, നിർമിത ബുദ്ധിയുടെ സഹായത്തോടെയും ഇത്തരത്തിൽ പരീക്ഷണങ്ങൾ നടത്തിയതായും അധികൃതർ വ്യക്തമാക്കി. കിം ജിങ്ങ് ഉന്നിന്റെ സമീപകാലത്ത് പുറത്തുവന്ന ചിത്രങ്ങളുടെ അടിസ്ഥാനത്തിൽ നടത്തിയ പരിശോധനയിൽ ശരീരഭാരം കൂടിയതായി കണ്ടെത്തിയതായി യൂ പറയുന്നു. 140 കിലോ ഗ്രാമാണ് കിമ്മിന് എഐ കണക്കാക്കിയിരിക്കുന്ന ഭാരം.
Comments