സ്വർണവിലയിൽ ഇന്നും ചാഞ്ചാട്ടം; ഒരു ദിവസത്തിന് ശേഷം ഇന്ന് വീണ്ടും സ്വർണവില കുറഞ്ഞു

തിരുവനന്തപുരം: സംസ്ഥാനത്ത് ഇന്നും സ്വർണവിലയിൽ ചാഞ്ചാട്ടം. കഴിഞ്ഞ കുറച്ചു ദിവസങ്ങളിൽ സ്വർണവിലയുടെ നിരക്ക് ഇത്തരത്തിലാണ് മുന്നോട്ട് പോകുന്നത്. ഇന്ന് സ്വർണത്തിന് 80 രൂപ കുറഞ്ഞു. ഒരു പവന്റെ നിരക്ക് 44,400 രൂപയാണ്. ഇന്നലെ ഒരു പവൻ സ്വർണത്തിന് 320 രൂപയാണ് വർദ്ധിച്ചത്. അന്തരാഷ്‌ട്ര വിപണിയിൽ ഉണ്ടാകുന്ന മാറ്റങ്ങളാണ് സംസ്ഥാനത്തെ വിപണിയിയിലെ നിരക്കിലും പ്രകടമാകുന്നത്.

ഒരു ഗ്രാം 22 കാരറ്റ് സ്വർണത്തിന്റെ ഇന്ന് 10 രൂപ കുറഞ്ഞു. വിപണി വില 5550 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 10 രൂപയായും കുറഞ്ഞു. വിപണി വില 4600 രൂപയായി.

സംസ്ഥനത്ത് വെള്ളിയുടെ വിലയിൽ ഇന്ന് മാറ്റമില്ല. ഇന്നലെയും വെള്ളിയുടെ വില ഉയർന്നിരുന്നു. ഒരു ഗ്രാം വെള്ളിയുടെ വിപണി വില 80 രൂപയാണ്. ഹാൾമാർക്ക് വെള്ളിയുടെ വില 103 രൂപയുമാണ്.