പ്രളയഭീതി ഒഴിയുന്ന ഉത്തരാഖണ്ഡിൽ ഇനി മുതലപ്പേടി; കാവലായി വനംവകുപ്പ്

 ഡെറാഡൂൺ: പ്രളയത്തിൽ ഗംഗയിൽ നിന്ന് ജനവാസ കേന്ദ്രത്തിലെത്തിയ മുതലകൾ ജനങ്ങളിൽ ഭീതി വിതയ്‌ക്കുന്നു. സംസ്ഥാനത്തെ ലക്‌സർ, ഖാൻപൂർ പ്രദേശങ്ങളിലാണ് മുതലകളുടെ സ്വൈര്യവിഹാരം. കഴിഞ്ഞ ആഴ്ചയിലുണ്ടായ കനത്ത പേമാരിയിലാണ് ഗംഗയിലെ ജലനിരപ്പുയർന്നത്.

അതേസമയം ജനവാസ കേന്ദ്രത്തിലെത്തിയ മുതലകളെ വനം വകുപ്പ് പിടികൂടി പുഴയിലേക്ക് തന്നെ തിരികെവിടുന്നുണ്ട്. ഭീതി വിതയ്‌ക്കുന്ന മുതലകളെ പിടികൂടുന്നതിനായി 25 പേരെ നിയമിച്ചിട്ടുണ്ട്. ഏത് സമയത്തും ഇവരുടെ സേവനം ലഭിക്കുമെന്നും ഇതിനകം പ്രദേശത്ത് നിന്ന് 12-ഓളം മുതലകളെ പിടികൂടിയെന്നും വനംവകുപ്പ് പറയുന്നു.