ഇടുക്കി: ഡെപ്യൂട്ടി തഹസിൽദാറിനെ മരിച്ച നിലയിൽ കണ്ടെത്തി. കരുനാഗപ്പള്ളി മുട്ടത്ത് ബംഗ്ലാവിൽ അബ്ദുൽസലാമിനെയാണ് (46) ഇടുക്കി ചെറുതോണി പാറേമാവിൽ വാടകയ്‌ക്ക് താമസിക്കുന്ന വീടിനുള്ളിലാണ് മരിച്ച നിലയിൽ കണ്ടെത്തിയത്. കഴിഞ്ഞ ദിവസം രാത്രിയോടെ വീട്ടുടമസ്ഥനാണ് മൃതദേഹം കണ്ടത്.
അബ്ദുൽസലാമിനെ ഫോൺവിളിച്ചിട്ട് എടുക്കാതായതോടെ ബന്ധുക്കൾ വീട്ടുടമയെ വിവരം അറിയിക്കുകയായിരുന്നു. തുടർന്ന് ഇയാൾ വീട്ടിലെത്തി നോക്കുമ്പോഴാണ് കസേരയിൽ മരിച്ച നിലയിൽ അബ്ദുൽസലാമിനെ കണ്ടത്. ഇദ്ദേഹം 20 ദിവസം മുമ്പാണ് ഇടുക്കിയിലേക്ക് സ്ഥലം മാറിയെത്തിയത്.
ഹൃദയസ്തംഭനമാണ് മരണകാരണമെന്നാണ് പ്രാഥമിക നിഗമനം. മൃതദേഹം ഇടുക്കി മെഡിക്കൽ കോളേജിലേക്ക് മാറ്റി.
Comments