പത്തനംതിട്ട: ഏഴാം ക്ലാസുകാരിയെ ലൈംഗികമായി ഉപദ്രവിച്ച രണ്ടാനാച്ഛനെതിരെ പോക്‌സോ കേസ്. പ്രതി നിലവിൽ വിദേശത്താണ്. പെൺകുട്ടിയെ രണ്ട് തവണ വലൈംഗികമായി ഉപദ്രവിച്ചുവെന്നാണ് കേസ്.
വിദേശത്ത് നിന്ന് ഇയാൾ നാട്ടിലെത്തിയപ്പോഴായിരുന്നു ലൈംഗികാതിക്രമമെന്ന് കുട്ടി വ്യക്തമാക്കി. കിടപ്പുമുറിയിൽ വെച്ച് തന്നെ ഇയാൾ ഉപദ്രവിച്ചതായും മൊഴിയിലുണ്ട്. സ്‌കൂളിലെ അദ്ധ്യാപികയോടാണ് കുട്ടി പീഡനവിവരം പറഞ്ഞത്. തുടർന്ന് കുട്ടിയുടെ വീട്ടിലെ സാഹചര്യം അദ്ധ്യാപിക ചോദിച്ച് മനസിലാക്കുകയായിരുന്നു. തുടർന്ന് അദ്ധ്യാപിക പോലീസിൽ അറിയിക്കുകയായിരുന്നു.
പിന്നീട് കുട്ടിയുടെ അമ്മയുടെ സാന്നിധ്യത്തിൽ പോലീസ് കുട്ടിയുടെ മൊഴി രേഖപ്പെടുത്തി. പ്രതിയെ വിദേശത്ത് നിന്ന് നാട്ടിലെത്തിച്ച് അറസ്റ്റ് ചെയ്യാനുള്ള നീക്കത്തിലാണ് അന്വേഷണസംഘം.
Comments