ഒരാളുടെ മരണത്തിന് മറ്റൊരാൾ കാവലിരിക്കുന്ന കാഴ്‌ച്ച മുഴുവൻ മലയാളികളുടെയും ഹൃദയം തകർക്കുന്നു ; ലാലിന്റെ ചിത്രം പങ്ക് വച്ച് ഹരീഷ് പേരടി

കൊച്ചി : സംവിധായകൻ സിദ്ധിഖിന്റെ മൃതദേഹത്തിനരികിൽ കലങ്ങിയ കണ്ണുകളുമായി ഇരിക്കുന്ന നടൻ ലാലിന്റെ ചിത്രം പങ്ക് വച്ച് നടൻ ഹരീഷ് പേരടി . ചിത്രത്തിനൊപ്പം വികാരനിർഭരമായ കുറിപ്പും അദ്ദേഹം പങ്ക് വച്ചിട്ടുണ്ട് .ഒരാളുടെ മരണത്തിന് മറ്റൊരാൾ കാവലിരിക്കുന്ന കാഴ്‌ച്ച മുഴുവൻ മലയാളികളുടെയും ഹൃദയം തകർക്കുന്നുവെന്നാണ് ഹരീഷ് പേരടി കുറിക്കുന്നത് .

‘ സു…ഹൃത്ത് = നല്ല ഹൃദയമുള്ളവൻ..മലയാളത്തിലെ ആദ്യത്തെ ഇരട്ട സംവിധായകർ…രണ്ട് അമ്മമാർ പെറ്റിട്ടവർ..ഒന്നിച്ച് നടന്ന് സ്വപ്നങ്ങൾ തൊട്ടവർ..ജീവിതം കൊണ്ട് മനുഷ്യത്വം പഠിച്ചവർ..വഴി പിരിഞ്ഞിട്ടും വാക്കുകൾകൊണ്ടോ,നോട്ടങ്ങൾകൊണ്ടോ,ഭാവങ്ങൾകൊണ്ടോ അവർ പരസ്പ്പരം പഴി ചാരിയില്ല…ഒരാളുടെ മരണത്തിന് മറ്റൊരാൾ കാവലിരിക്കുന്ന കാഴ്‌ച്ച മുഴുവൻ മലയാളികളുടെയും ഹൃദയം തകർക്കുന്നു…കലയിലെ അവരുടെ ആദ്യ ചുവട് അനുകരണമായിരുന്നെങ്കിലും അവരുടെ സൗഹൃദത്തെ ആർക്കും അനുകരിക്കാൻ പറ്റില്ല…കാരണം അവരുടെ സൗഹൃദം അവരുടെത് മാത്രമായിരുന്നു…സ്വയം ഇതിഹാസമാവാതെ സൗഹൃദത്തെ ഇതിഹാസമാക്കിയവർ…സൗഹൃദത്തിന് ആർക്കും പറഞ്ഞ് കൊടുക്കാൻ പറ്റാത്ത ഉത്തരം കണ്ടെത്തിയവർ…വരും തലമുറ പഠിക്കേണ്ട വരികളില്ലാത്ത സൗഹൃദത്തിന്റെ ജീവ ചരിത്രം …സിദ്ധിഖേട്ടാ..ലാലേട്ടാ..സൗഹൃദ സലാം.‘ ഇത്തരത്തിലാണ് ഹരീഷ് പേരടിയുടെ ഫേസ്ബുക്ക് പോസ്റ്റ്.