ഗുരുവായൂരപ്പന് തമിഴ്നാട് മുഖ്യമന്ത്രി സ്റ്റാലിന്റെ പത്നിയുടെ വക സ്വര്‍ണ കിരീടം; ക്ഷേത്രത്തിൽ ഇന്ന് സമർപ്പിക്കും

തൃശൂർ: ഗുരുവായൂരപ്പന് വഴിപാടായി സ്വർണ കിരീടം നൽകാനൊരുങ്ങി തമിഴ്നാട് മുഖ്യമന്ത്രി സ്റ്റാലിന്റെ ഭാര്യ.14 ലക്ഷത്തിലേറെ രൂപ വിലവരുന്ന സ്വര്‍ണ കിരീടം ദുർ​​ഗ സാറ്റാലിൻ ഇന്ന് സമർപ്പിക്കും. സ്റ്റാലിന്റെ ഭാര്യയ്‌ക്കുവേണ്ടി ശിവജ്ഞാനം എന്ന കോയമ്പത്തൂര്‍ സ്വദേശിയായ വ്യവസായിയാണ് 32 പവന്‍ തൂക്കം വരുന്ന സ്വര്‍ണ കിരീടം നിർമ്മിച്ചത്. കിരീടം തയ്യാറാക്കുന്നതിനുള്ള അളവ് ക്ഷേത്രത്തിൽ നിന്നും നേരത്തെ ശില്പി വാങ്ങിയിരുന്നു.

ഇതിനോടൊപ്പം ചന്ദനത്തിന്റെ തേയ അരയ്‌ക്കുന്ന മെഷീനും സമർപ്പിക്കും. ഇന്ന് ഉച്ചപൂജയ്‌ക്കായി നട തുറന്ന ശേഷമാണ് സ്വർണകിരീടം ഭ​ഗവാന് സമർപ്പിക്കുന്നത്. 2 ലക്ഷം രൂപയോളം വിലയുള്ള മെഷീൻ ഇന്നലെ വൈകിട്ട് ഗുരുവായൂരിലെത്തിച്ചിരുന്നു. തൃശൂർ പൂത്തോൾ ആർഎം സത്യം എൻജിനീയറിങ് ഉടമ കെ.എം.രവീന്ദ്രനാണ് ​ഗുരുവായൂരപ്പന് സമർപ്പിക്കുന്നതിനുള്ള മെഷീന് രൂപകല്പന ചെയ്തത്.