മധ്യപ്രദേശ് സന്ദർശിക്കാൻ പ്രധാനമന്ത്രി; ബിനാ-കോട്ട റെയിൽ പാത രാജ്യത്തിന് സമർപ്പിക്കും

ന്യൂഡൽഹി: പ്രാധാനമന്ത്രി നരേന്ദ്ര മോദി നാളെ മധ്യപ്രദേശ് സന്ദർശിക്കും. പാത ഇരട്ടിപ്പിച്ച ബിനാ-കോട്ട റെയിൽ പാത അദ്ദേഹം രാജ്യത്തിന് സമർപ്പിക്കും. കൂടാതെ, സംസ്ഥാനത്ത് നിരവധി റെയിൽവേ, റോഡ് മേഖലാ പദ്ധതികൾക്കും പ്രധാനമന്ത്രി തുടക്കം കുറിക്കും. റോഡ് മേഖലാ പദ്ധതികൾക്ക് അദ്ദേഹം തുടക്കമിടും.

288.236 കിലോമീറ്റർ ഇരട്ടിപ്പിച്ച ബിനാ- കോട്ട പാത ചരക്ക് ഗതാഗതത്തിന് കൂടുതൽ സാധ്യകൾ തുറക്കും. പുതിയ പാത തുറക്കുന്നതോടെ ചരക്ക് ​ഗതാ​ഗതം എളുപ്പമാകുകയും മറ്റ് ട്രെയിൻ സർവ്വീസുകളുടെ യാത്രാസമയം ചുരുങ്ങുകയും ചെയ്യും. കൂടാതെ ബിനാ- കോട്ടാ പാതയിൽ ഇനി എട്ട് കൽക്കരി പവർ സ്റ്റേഷനുകൾ വരും. നേരത്തെ ഒരെണ്ണം മാത്രമാണ് ഉണ്ടായിരുന്നത്.

റെയിൽ വികാസ് നിഗം ​​ലിമിറ്റഡാണ് പദ്ധതി പൂർത്തീകരിച്ചത്. പദ്ധതിയിൽ 37 സ്റ്റേഷനുകളും 28 വലിയ പാലങ്ങളും 202 ചെറിയ പാലങ്ങളുമുണ്ട്. മധ്യപ്രദേശിലെ ഗുണ, അശോക്നഗർ, സാഗർ ജില്ലകളിലൂടെയാണ് ബിനാ- കോട്ട കടന്നു പോകുന്നത്.