തൃശൂർ: വയറിനകത്തെ മുഴ നീക്കം ചെയ്യുന്നതിനുള്ള കീ ഹോൾ ശസ്ത്രക്രിയയ്‌ക്കിടെ 14 വയസുകാരന്റെ വയറ്റിൽ സർജിക്കൽ ക്ലിപ്പ് കുടുങ്ങിയതായി പരാതി. ക്ലിപ്പ് വയറിനകത്ത് കുടുങ്ങിയെന്നും തുടർന്ന് കുട്ടിയുടെ വയറ് പഴുത്തെന്നും ആരോപിച്ച് ബന്ധുക്കൾ പോലീസിൽ പരാതി നൽകി. തൃശൂർ ദയാ ആശുപത്രിക്കെതിരെയാണ് പരാതി നൽകിയിരിക്കുന്നത്.
വയറിനകം പഴുത്തതോടെ കുട്ടിയെ എറണാകുളം അമൃത ആശുപത്രിയിൽ പ്രവേശിപ്പിച്ച് വീണ്ടും ശസ്ത്രക്രിയ നടത്തി. കുട്ടിയുടെ വയറ്റിൽ നിന്നും ലാപ്രോസ്‌കോപ്പിയുടെ സർജിക്കൽ ക്ലിപ്പ് കണ്ടെത്തി. കുട്ടിയുടെ ബന്ധുക്കൾ പരാതി നൽകിയെന്നും വിഷയം അന്വേഷിക്കുമെന്നും ദയാ ആശുപത്രി ഉടമ അബ്ദുൾ ജബ്ബാർ പ്രതികരിച്ചു. സംഭവത്തിൽ കേസെടുത്ത് അന്വേഷണം ആരംഭിച്ചിട്ടുണ്ടെന്ന് പോലീസ് അറിയിച്ചു.
ശസ്ത്രക്രിയയ്‌ക്കിടെ വയറ്റിൽ കത്രിക കുടുങ്ങിയ സംഭവത്തിൽ പ്രതിഷേധം ശക്തമാകുന്നതിനിടെയാണ് ഇത്തരത്തിൽ മറ്റൊരു സംഭവം കൂടി റിപ്പോർട്ട് ചെയ്തിരിക്കുന്നത്.
Comments