എറണാകുളം: കൊച്ചിയിൽ എക്സൈസ് നടത്തിയ മിന്നൽ പരിശോധനയിൽ 40 ലക്ഷം രൂപയുടെ ലഹരി വസ്തുക്കൾ പിടികൂടി. മട്ടാഞ്ചേരി പുതുക്കാട്ട് പറമ്പ് സ്വദേശി സഫീറിനെയാണ് ലഹരി വസ്തുക്കളുമായി പിടികൂടിയത്. കൂടാതെ, നാലു ലക്ഷം രൂപയും മൊബൈൽ ഫോണും പിടിച്ചെടുത്തിട്ടുണ്ട്.
കൊച്ചിയുടെ വിവിധ ഭാഗങ്ങളിൽ ഇടനിലക്കാരെ ഉപയോഗിച്ച് ഇയാൾ മയക്കുമരുന്ന് എത്തിച്ച് കൊടുത്തിട്ടുള്ളതായി പോലീസ് പറഞ്ഞു. ബെംഗളൂരുവിൽ നിന്നാണ് ഇയാൾ എംഡിഎംഎ വാങ്ങുന്നത്. ആർക്കും സംശയം തോന്നാത്ത രീതിയിൽ ആവശ്യക്കാർക്ക് പറയുന്നിടത്ത് എത്തിച്ചു കൊടുക്കുന്നതാണ് ഇയാളുടെ പതിവ് രീതി. പോലീസ് മാസങ്ങളോളം നടത്തിയ അന്വേഷണത്തിലാണ് പ്രതിയെ പിടികൂടിയത്.
Comments