തിരുവനന്തപുരം: തുറന്ന ജീപ്പിന്റെ ബോണറ്റിന് മുകളിൽ കുട്ടിയെ ഇരുത്തി അപകടകരമായ യാത്ര നടത്തിയ സംഭവത്തിൽ കേസെടുത്ത് കഴക്കൂട്ടം പോലീസ്. ഓണാഘോഷത്തിന്റെ ഭാഗമായി ചൊവ്വാഴ്ച വൈകുന്നേരമാണ് യുവാക്കളുടെ സംഘം കുട്ടിയെ ബോണറ്റിൽ ഇരുത്തി കഴക്കൂട്ടം പ്രദേശത്തു കറങ്ങിയത്. ജീപ്പിന്റെ മുൻവശത്ത് ബോണറ്റിനു മുകളിൽ ഇരുത്തി സാഹസിക യാത്ര നടത്തുന്നതിന്റെ വിഡിയോ ദൃശ്യങ്ങൾ പ്രചരിച്ചതോടെയാണ് കഴക്കൂട്ടം പോലീസ് കേസ് രജിസ്റ്റർ ചെയ്തത്.
ആറ്റിങ്ങൽ സ്വദേശിയാണ് വാഹനത്തിന്റെ ഉടമയെന്നു പോലീസ് തിരിച്ചറിഞ്ഞു. ജീപ്പും അതോടിച്ചിരുന്ന ഡ്രൈവറെയും കഴക്കൂട്ടം പോലീസ് കസ്റ്റഡിയിൽ രജിസ്റ്റർ ചെയ്തു. കഴക്കൂട്ടം മേനംകുളം വാടിയിൽനിന്നാണ് ജീപ്പ് കണ്ടെത്തിയത്. അപകടകരമായി വാഹനമോടിച്ചതിനാണ് കേസ് രജിസ്റ്റർ ചെയ്തത്. വാഹനത്തിനു രൂപമാറ്റം വരുത്തിയതിന് മോട്ടർ വാഹന വകുപ്പും കേസ് രജിസ്റ്റർ ചെയ്തു.
Comments