എറണാകുളം: ജനറൽ ആശുപത്രിയിലെ മുതിർന്ന ഡോക്ടറിനെതിരെ ലൈംഗികാതിക്രമ ആരോപണവുമായി വനിത ഡോക്ടർ. 2019ൽ ഹൗസ് സർജൻസി ചെയ്യുന്ന സമയത്ത് സീനിയർ ഡോക്ടർ ബലമായി മുഖത്ത് ചുംബിച്ചതായാണ് വനിതാ ഡോക്ടർ ഉന്നയിക്കുന്ന ആരോപണം. ഫേസ്ബുക്ക് പോസ്റ്റിലൂടെയായിരുന്നു ആരോപണം നടത്തിയിരിക്കുന്നത്.
വിഷയത്തിൽ വനിതാ ഡോക്ടറിൽ നിന്ന് വിവരം തിരക്കി ആരോഗ്യവകുപ്പ് ഡയറക്ടർക്ക് പരാതി നൽകിയിട്ടുണ്ടെന്ന് ആശുപത്രി സൂപ്രണ്ട് അറിയിച്ചു. ഡോക്ടറുടെ പരാതി പോലീസിന് കൈമാറുമെന്നും സൂപ്രണ്ട് പറഞ്ഞു.
സീനിയർ ഡോക്ടറിനെതിരെ തൊട്ടടുത്ത ദിവസം മുതിർന്ന ഉദ്യോഗസ്ഥർക്ക് പരാതി നൽകിയിരുന്നതായും വനിത ഡോക്ടർ പറയുന്നു. എന്നാൽ ഫലമുണ്ടായില്ല. തന്നെ അപമാനിച്ച ഡോക്ടർ നിലവിൽ ജനറൽ ആശുപത്രിയിൽ നിന്നും സ്ഥലം മാറി പോയതോടെയാണ് പോസ്റ്റിട്ടതെന്നുമാണ് ഡോക്ടർ നൽകുന്ന വിശദീകരണം.
Comments