തിരുവനന്തപുരം: സംസ്ഥാനത്ത് മഴ കനക്കുന്നു. തിരുവനന്തപുരം മുതൽ ഇടുക്കി വരെ ഏഴ് ജില്ലകളിൽ യെല്ലോ അലർട്ട് പ്രഖ്യാപിച്ചു. തിങ്കളാഴ്ച വരെ മഴ കനക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ജില്ലകളിലാണ് ഇന്ന് യെല്ലോ അലർട്ട് പ്രഖ്യാപിച്ചിരിക്കുന്നത്. അടുത്ത ദിവസങ്ങളിലും സംസ്ഥാനത്ത് പരക്കെ മഴയ്‌ക്ക് സാദ്ധ്യതയുണ്ട്. തിങ്കൾ, ചൊവ്വ, ബുധൻ ദിവസങ്ങളിൽ ആലപ്പുഴയിൽ ഓറഞ്ച് അലർട്ടും ബുധനാഴ്ച ഇടുക്കിയിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്.പത്തനംതിട്ടയിൽ ഇപ്പോഴും ശക്തമായ മഴ പെയ്യുകയാണ്.
വടക്കൻ ബംഗാൾ ഉൾക്കടലിൽ ഞായറാഴ്ചയോടെ ചക്രവാതച്ചുഴി രൂപപ്പെടുന്നതിന്റെ ഭാഗമായാണ് ഇപ്പോഴത്തെ മഴ. ഇത് ന്യുനമർദ്ദമായി ശക്തി പ്രാപിക്കുന്നുവെന്നാണ് വിവരം. . തുടക്കത്തിൽ മദ്ധ്യ- തെക്കൻ കേരളത്തിൽ ശക്തമാകുന്ന മഴ ന്യൂനമർദ്ദത്തിന്റെ സഞ്ചാരപാതയ്‌ക്ക് അനുസരിച്ചു വടക്കൻ കേരളത്തിലേക്കും മഴ വ്യാപിക്കാൻ സാദ്ധ്യതയെന്നാണ് പ്രാഥമിക സൂചന. ചിലയിടങ്ങളിൽ അതി ശക്തമായ മഴക്കും സാദ്ധ്യതയുണ്ട്.
Comments