കല്‍പ്പറ്റ: പ്രായപൂര്‍ത്തിയാവാത്ത പെൺകുട്ടിയെ പീഡിപ്പിച്ച കേസിൽ ബസ് കണ്ടക്ടർ അറസ്റ്റിൽ. കോഴിക്കോട് പന്തീരാങ്കാവ് മേലെ കച്ചേരി പുനത്തില്‍ വീട്ടില്‍ മുര്‍ഷിദ് മുഹമ്മദ് (24) നെയാണ് പോലീസ് പിടികൂടിയത്. പ്രതിയെ പോക്സോ വകുപ്പ് പ്രകാരം അറസ്റ്റ് ചെയ്തു.
ബസില്‍ സ്ഥിരം യാത്രക്കാരിയായിരുന്ന വിദ്യാർത്ഥിനിയുമായി മുര്‍ഷിദ് ബന്ധം സ്ഥാപിക്കുകയും പിന്നീട് പെണ്‍കുട്ടിയെ വയനാട്ടിലെ റിസോര്‍ട്ടില്‍ എത്തിച്ച് പീഡിപ്പിക്കുകയുമായിരുന്നുവെന്ന് പോലീസ് പറഞ്ഞു. സംഭവം അറിഞ്ഞതോടെ പെണ്‍കുട്ടിയുടെ രക്ഷിതാക്കളാണ് വാഴക്കാട് സ്റ്റേഷനില്‍ പരാതി നല്‍കിയത്.
കല്‍പ്പറ്റയിലെ ഒരു റിസോര്‍ട്ടില്‍ വെച്ചാണ് സംഭവം നടന്നത്. തുടർന്ന് കല്‍പ്പറ്റ സ്റ്റേഷനിൽ പരാതി കൈമാറിയതോടെ പോക്സോ നിയമ പ്രകാരം കേസെടുത്ത് പോലീസ് അന്വേഷണം ആരംഭിച്ചു. പ്രതി മുര്‍ഷിദ് മുഹമ്മദിന്റെ മൊബൈല്‍ ഫോണ്‍ കേന്ദ്രീകരിച്ച് പോലീസ് അന്വേഷണം നടത്തി. അതിനിടെ ഇയാള്‍ മറ്റൊരു പെണ്‍കുട്ടിയുമായി കല്‍പ്പറ്റയിലെ തന്നെ മറ്റൊരു റിസോര്‍ട്ടില്‍ എത്തിയതായി വിവരം ലഭിക്കുകയായിരുന്നു. പിന്നാലെ റിസോര്‍ട്ടില്‍ നിന്നും മുര്‍ഷിദിനെ പോലീസ് പിടികൂടുകയായിരുന്നു.
Comments