കരിപ്പൂരിൽ വൻ സ്വർണവേട്ട; നാല് കിലോ സ്വർണവുമായി യുവാവ് അറസ്റ്റിൽ

കരിപ്പൂർ വിമാനത്താവളത്തിൽ വൻ സ്വർണവേട്ട. സംഭവത്തിൽ കോഴിക്കോട് മടവൂർ സ്വദേശി മുഹമ്മദ് ഫാറൂഖ് അറസ്റ്റിൽ. നാല് കിലോ സ്വർണമാണ് ഇയാളിൽ നിന്നും എയർ ഇന്റലിജൻസ് പിടികൂടിയത്. ഏകദേശം 2.5 കോടി രൂപ വിലമതിക്കുന്ന സ്വർണമാണ് ഇയാളിൽ നിന്നും പിടികൂടിയത്. സ്വർണബിസ്‌ക്കറ്റുകളായും മാല രൂപത്തിലും കാപ്‌സ്യൂൾ രൂപത്തിലുമാണ് സ്വർണം കടത്താൻ ശ്രമിച്ചത്.

അബുദാബിയിൽ നിന്നെത്തിയ പ്രതി സ്വർണമാല കടത്താൻ ശ്രമിച്ചത് അടിവസ്ത്രത്തിൽ ഒളിപ്പിച്ച നിലയിലായിരുന്നു. സ്വർണം കടത്തി കൊടുക്കുന്നതിനായി 70,000 രൂപയും വിമാന ടിക്കറ്റുമായിരുന്നു കള്ളക്കടത്ത് സംഘം പ്രതിക്കായി വാഗ്ദാനം ചെയ്തിരുന്നത്. സംഭവത്തിൽ കൂടുതൽ അന്വേഷണം പുരോഗമിച്ചു വരികയാണ്.