അന്യഗ്രഹജീവികൾ? മനുഷ്യന്റേതല്ലാത്ത ശവശരീരങ്ങളുടെ ഫോസിലുകൾ വെളിപ്പെടുത്തി മെക്സിക്കൻ കോൺഗ്രസ്; നിഗൂഢത

മെക്‌സികോ: അന്യഗ്രഹജീവികളുടേതെന്ന് തോന്നിപ്പിക്കുന്ന ശവശരീരങ്ങളുടെ ഫോസിലുകൾ ലോകത്ത് മുന്നിൽ വെളിപ്പെടുത്തി മെക്‌സിക്കൻ കോൺഗ്രസ്. ഏറെ നിഗൂഢതകളുള്ള രണ്ട് ഫോസിലുകളാണ് വെളിപ്പെടുത്തിയത്. മെക്‌സികോ പെറുവിലെ കുസ്‌കോയിൽ നിന്നാണ് ഇവ കണ്ടെത്തിയത്.

പ്രശസ്ത മാദ്ധ്യമ പ്രവർത്തകനും യൂഫോളജിസ്റ്റുമായ ജെയിം മൗസനാണ് ഫോസിലുകൾ ലോകത്തിന് മുന്നിൽ പ്രദർശിപ്പിച്ചത്. സഹസ്രാബ്ദം പഴക്കമുള്ള ഫോസിലുകളാണ് ഇവയെന്ന് കണ്ടെത്തിയിട്ടുണ്ട്. സേഫ് എയ്റോസ്പേസിന്റെ എക്സിക്യൂട്ടീവ് ഡയറക്ടറും യുഎസ് നേവിയുടെ മുൻ പൈലറ്റുമായ റയാൻ ഗ്രേവ്സിനും ശാസ്ത്രജ്ഞരും ചേർന്നാണ് പരിപാടി സംഘടിപ്പിച്ചത്.

റേഡിയോകാർബൺ ഡേറ്റിംഗ് സാങ്കേതികവിദ്യ ഉപയോഗിച്ച് ശാസ്ത്രജ്ഞർ ശവശരീരത്തിന്റെ ഫോസിലുകളിൽ നിന്ന് ഡിഎൻഎ തെളിവുകൾ ശേഖരിച്ചിട്ടുണ്ട്. ഇത് ഭൂമിയ്‌ക്കപ്പുറമുള്ള ജീവിതങ്ങളെക്കുറിച്ചും അന്യഗ്രഹജീവികളെ കുറിച്ചും നിരവധി ചോദ്യങ്ങളാണ് ഉയർത്തുന്നത്.