ചെന്നൈ: സ്വർണവും ഇലക്ട്രോണിക് ഉപകരണങ്ങളും നികുതി വെട്ടിച്ച് കടത്താൻ സഹായിച്ചതിന് വിമാനത്തിലെ 186 യാത്രക്കാരിലെ 113 പേർക്കെതിരെയും കേസെടുത്ത് കസ്റ്റംസ്. മസ്കറ്റിൽ നിന്നെത്തിയ ഒമാൻ എയർലൈൻസ് വിമാനത്തിലെ യാത്രക്കാർക്കെതിരെയാണ് കേസ്. ചെന്നെയിലെ അന്താരാഷ്‌ട്ര വിമാനത്താവളത്തിലാണ് സംഭവം നടന്നത്.
കള്ളകടത്തു നടത്താൻ സഹായിക്കുന്നവർക്ക് സമ്മാനമായി ചോക്ലേറ്റ്, പെർഫ്യൂം തുടങ്ങിയവയാണ് സംഘം വാഗ്ദാനം ചെയ്തത്. ഇവരിൽ നിന്നും 14 കോടി വിലവരുന്ന വസ്തുക്കളാണ് കസ്റ്റംസ് പിടിച്ചെടുത്തതത്.
രഹസ്യവിവരത്തിന്റെ അടിസ്ഥാനത്തിൽ 186 പേരെയും തടഞ്ഞുവച്ച് പരിശോധിച്ചിരുന്നു. 13 കിലോ സ്വർണം ബിസ്കറ്റ്, മിശ്രിതം, സ്പ്രിംഗ്‌വയർ തുടങ്ങിയവ പല രൂപത്തിൽ അടിവസ്ത്രത്തിൽ ഒളിപ്പിച്ചനിലയിൽ ഇവരിൽ നിന്നും കണ്ടെത്തിയിരുന്നു. 120 ഐഫോണുകൾ, 84 ആൻഡ്രോയ്ഡ് ഫോണുകൾ, വിദേശ സിഗരറ്റ്, കുങ്കുമപ്പൂവ്, ലാപ്ടോപ്പുകൾ എന്നിവ സ്യൂട്ട്കേസുകളുടെയും ബാഗുകളുടെയും രഹസ്യ അറകളിലായിരുന്നു. തുടർന്ന്, 113 പേരെയും ജാമ്യത്തിൽ വിട്ടു.
Comments