രണ്ട് വർഷങ്ങൾക്ക് മുൻപ് കൊച്ചിയിൽ നിന്ന് കാണാതായ യുവാവ് ​ഗോവയിൽ കൊല്ലപ്പെട്ടു; മൂന്ന് പേർ അറസ്റ്റിൽ

എറണാകുളം: കൊച്ചിയിൽ നിന്നും 2021ൽ കാണാതായ യുവാവ് കൊല്ലപ്പെട്ടുവെന്ന് പോലീസ്. 27 വയസുള്ള ജഫ് ജോൺ ലൂയിസ് ആണ് കൊല്ലപ്പെട്ടത്. സംഭവത്തിൽ മൂന്ന് പേർ അറസ്റ്റിലായത്.

കോട്ടയം വെള്ളൂർ സ്വദേശികളായ അനിൽ ചാക്കോ, സ്റ്റിഫിൻ വയനാട് സ്വദേശി വിഷ്ണു എന്നിവരാണ് അറസ്റ്റിലായത്. 2021 -ൽ ആയിരുന്നു കൊലപാതകവും നടന്നത്. മുൻവൈരാഗ്യമാണ് കാരണമെന്ന് പൊലീസ് പറഞ്ഞു. അമ്മ ഗ്ലാഡിസ് ലൂയിസ് നൽകിയ പരാതിയിലായിരുന്നു അന്വേഷണം.