കുതിച്ച് സ്വർണ്ണവില; അറിയാം ഇന്നത്തെ നിരക്ക്

തിരുവനന്തപുരം: സംസ്ഥാനത്ത് സ്വർണ്ണവിലയിൽ നേരിയ വർദ്ധനവ്. ഇന്നും സമാനമായ രീതിയിലുള്ള വർദ്ധനവാണ് രേഖപ്പെടുത്തിയിരിക്കുന്നത്. ഇന്നും ഗ്രാമിന് 15 രൂപയും പവന് 120 രൂപയുമാണ് വർദ്ധിച്ചത്. കഴിഞ്ഞ ശനിയാഴ്ചയും തിങ്കളാഴ്ചയും കേരള വിപണിയിൽ പവന് 120 വീതം വർദ്ധിച്ചിരുന്നു.

ഇന്ന് ഒരു ഗ്രാം 22 കാരറ്റ് സ്വർണ്ണത്തിന് 15 രൂപയും ഒരു പവൻ സ്വർണ്ണത്തിന് 120 രൂപയുമാണ് കൂടിയത്. ഇതോടെ 22 കാരറ്റ് ഒരു ഗ്രാം സ്വർണ്ണത്തിന് 5520 രൂപയും പവന് 44,160 രൂപയുമായി.

ഈ മാസം രേഖപ്പെടുത്തിയ ഏറ്റവും കുറഞ്ഞ സ്വർണ്ണനിരക്ക് 43600 രൂപയായിരുന്നു. അതേസമയം ഒരു ഗ്രാം സാധാരണ വെള്ളിയുടെ വിലയിൽ ഇന്നും മാറ്റമില്ല. 78 രൂപയാണ് ഒരു ഗ്രാം സാധാരണ വെള്ളിയ്‌ക്ക് ഇന്നത്തെ വില.