ജാതീയത നേരിട്ടെന്ന് ദേവസ്വം മന്ത്രിയ്‌ക്ക് തുറന്ന് പറയാൻ ഏഴ് മാസമോ ; ബുദ്ധിയുള്ളവർ പ്രതികരിക്കുന്നതും ഏഴ് മാസം കഴിഞ്ഞ് മതിയെന്ന് ഹരീഷ് പേരടി

കൊച്ചി : ക്ഷേത്രത്തിൽ ജാതീയത നേരിട്ടുവെന്ന് പറയാൻ ദേവസ്വം മന്ത്രി ഏഴ് മാസമെടുത്തതിനെ പരിഹസിച്ച് നടൻ ഹരീഷ് പേരടി . മന്ത്രിയുടെ ഈ പ്രതികരണം തന്നെ പാതി ബുദ്ധിയില്ലായമയും പാതി നിവൃത്തിയില്ലായ്മയുമാണെന്നും ഹരീഷ് പേരടി ഫേസ്ബുക്ക് പോസ്റ്റിൽ പറയുന്നു.

ജാതിയത നേരിട്ട ദേവസ്വം മന്ത്രിക്ക് അത് പുരോഗമന കേരളത്തോട് പറയാൻ ഏഴുമാസം…ബുദ്ധിയുള്ളവർ ഈ വിഷയത്തോട് പ്രതികരിക്കുക ഇനിയും ഏഴുമാസം കഴിഞ്ഞ് മാത്രമാണ്..ഈ പ്രതികരണം തന്നെ പാതി ബുദ്ധിയില്ലായമയും പാതി നിവൃത്തിയില്ലായമയുമാണ് – ഹരീഷ് പേരടി കുറിച്ചു. ജനുവരി 26 ന് നടന്ന സംഭവമാണ് ഇപ്പോൾ മന്ത്രി പറഞ്ഞിരിക്കുന്നത് .