എറണാകുളം: കൊച്ചി വിമാനത്താവളത്തിൽ നിന്നും 29 ലക്ഷം രൂപയുടെ സ്വർണം പിടികൂടി. സാനിറ്ററി പാഡിനുള്ളിൽ ഒളിപ്പിച്ച് കടത്താൻ ശ്രമിച്ച സ്വർണമാണ് പിടികൂടിയത്. യുവതിയിൽ നിന്നും 679 ഗ്രാം സ്വർണമാണ് പിടികൂടിയത്.
ദുബൈയിൽ നിന്നും എത്തിയ തമിഴ്‌നാട് തിരുപ്പൂർ സ്വദേശിനിയാണ് അറസ്റ്റിലായത്. ഗ്രീൻ ചാനലിലൂടെയാണ് യുവതി കടക്കാൻ ശ്രമിച്ചത്. യുവതിയുടെ നടത്തത്തിൽ സംശയം തോന്നിയ കസ്റ്റംസ് ഉദ്യോഗസ്ഥർ ദേഹ പരിശോധനയ്‌ക്ക് വിധേയമാക്കുകയായിരുന്നു. പരിശോധനയെത്തുടർന്നാണ് നാപ്കിൻ പാഡിനുള്ളിൽ സ്വർണം കണ്ടെത്തുന്നത്.
