ന്യൂഡൽഹി: സെപ്റ്റംബർ മാസം അവസാനിക്കാൻ ഇനി എട്ട് ദിവസങ്ങൾ കൂടിയാണ് ബാക്കിയുള്ളത്. ബാങ്കുകളിൽ നേരിട്ട് ഇടപാടുകൾ നടത്താൻ ശ്രമിക്കുന്നവർ ഇക്കാര്യങ്ങൾ അറിഞ്ഞിരിക്കുക. വരുന്ന ആഴ്ചയിൽ ഏഴ് ബാങ്ക് അവധികളാണ് ഉള്ളത്. എന്നാൽ ഒരേ സമയം എല്ലാ ബാങ്കുകൾക്കും അവധി ഉണ്ടായിരിക്കുകയില്ല. ബാങ്കുകൾക്ക് അവധിയാണെങ്കിലും ഓൺലൈൻ ബാങ്കിംഗ് സേവനങ്ങൾ തടസമില്ലാതെ തുടരും. ഇടപാടുകൾ നടത്താനും ബാലൻസുകൾ പരിശോധിക്കാനും അത്യാവശ്യമായ ബാങ്കിംഗ് കാര്യങ്ങൾ നടത്താനും ഓൺലൈൻ ബാങ്കിംഗ് ഉപയോഗിക്കാവുന്നതാണ്.
വരുന്ന ഏഴ് ദിവസങ്ങളിൽ രാജ്യത്തെ വിവിധ നഗരങ്ങളിലെ ബാങ്കുകൾ അടഞ്ഞു കിടക്കും. എന്നാൽ എല്ലാ നഗരങ്ങളിലും ബാങ്കുകൾ അടഞ്ഞു കിടക്കില്ല. ഉദാഹരണത്തിന് ശ്രീനാരായണ ഗുരു സമാധി ദിനത്തിൽ കേരളത്തിൽ ബാങ്കുകൾ അവധിയാണെങ്കിലും മറ്റ് സ്ഥലങ്ങളിൽ ബാങ്കുകൾ പ്രവർത്തിക്കും.
ഏഴ് ബാങ്ക് അവധികൾ
1.) സെപ്റ്റംബർ 22 – ശ്രീ നാരായണ ഗുരു സമാധി ദിനമായതിനാൽ കേരളത്തിലും ഗോവയിലും ബാങ്കുകൾ അടഞ്ഞുകിടക്കും.
2.) സെപ്റ്റംബർ 23- നാലാം ശനിയാഴ്ച, രാജ്യത്തുടനീളം ബാങ്കുകൾ അടഞ്ഞുകിടക്കും.
3.) സെപ്റ്റംബർ 24- ഞായർ, പ്രതിവാര അവധി, രാജ്യത്തുടനീളം ബാങ്കുകൾ അടഞ്ഞുകിടക്കും.
4.) സെപ്റ്റംബർ 25- ശ്രീമന്ത ശങ്കർദേവിന്റെ ജന്മദിനം പ്രമാണിച്ച് അസമിൽ ബാങ്ക് അവധി.
5.) സെപ്റ്റംബർ 27- നബി ദിനം രാജ്യത്തെ എല്ലാ ബാങ്കുകളും അടഞ്ഞു കിടക്കും.
6.) സെപ്റ്റംബർ 28- നബി ദിനം- രാജ്യത്തെ വിവിധ ഇടങ്ങളിൽ ബാങ്കുകൾക്ക് അവധി. (അഹമ്മദാബാദ്, ഐസ്വാൾ, ബേലാപൂർ, ബെംഗളൂരു, ഭോപ്പാൽ, ചെന്നൈ, ഡെറാഡൂൺ, തെലങ്കാന, ഇംഫാൽ, കാൺപൂർ, ലക്നൗ, മുംബൈ, നാഗ്പൂർ, ഡൽഹി, റായ്പൂർ, റാഞ്ചി) എന്നിവിടങ്ങളിൽ ബാങ്ക് അവധി
7.) സെപ്റ്റംബർ 29- നബി ദിനം- ഗാംഗ്ടോക്ക്, ജമ്മു, ശ്രീനഗർ എന്നിവിടങ്ങളിൽ ബാങ്കുകൾ അടഞ്ഞുകിടക്കും.
