തിരുവനന്തപുരം: സംസ്ഥാനത്ത് ഇന്നും സ്വർണവിലയിൽ ഇടിവ്. ഒരു ഗ്രാമിന് 60 രൂപയും പവന് 480 രൂപയുമാണ് കുറഞ്ഞത്. വിപണിയിൽ ഇന്ന് ഒരു ഗ്രാമിന് 5260 രൂപയിലും പവന് 42,080 രൂപയിലുമാണ് വ്യാപാരം നടക്കുന്നത്.
കഴിഞ്ഞ ഒരാഴ്ചയ്‌ക്കിടെ ഒരു പവൻ സ്വർണത്തിന് 1,880 രൂപയുടെ കുറവാണ് രേഖപ്പെടുത്തിയത്. ഇന്നലെ പവന് 42,560 രൂപയും ഗ്രാമിന് 5320 രൂപയിലുമായിരുന്നു വ്യാപാരം നടന്നത്. അതേസമയം ഒരു ഗ്രാം സാധാരണ വെള്ളിക്ക് ഇന്ന് രണ്ട് രൂപ 50 പൈസ കുറഞ്ഞ് 73.50 രൂപയായി.
സെപ്തംബർ 23-നാണ് അവസാനമായി സ്വർണവിലയിൽ വർദ്ധനവ് ഉണ്ടായത്. പിന്നീട് സെപ്തംബർ 24, 25 തീയതികളിലും ഇതേ വിലനിലവാരത്തിലായിരുന്നു വ്യാപാരം പുരോഗമിച്ചത്. എന്നാൽ സെപ്തംബർ 26 മുതൽ സ്വർണവില താഴേക്ക് കൂപ്പൂകുത്തുകയായിരുന്നു.
