പാലക്കാട്: ചെർപ്പുളശ്ശേരി ബെവ്കോ ഔട്ട്‍ലെറ്റിൽ മോഷണം. 40ലധികം മദ്യകുപ്പികളും 20,000 രൂപയുമാണ് മോഷണം പോയത്. കഴിഞ്ഞ ദിവസം രാത്രിയാണ് കവർച്ച നടന്നത്. സംഭവത്തിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്.
മോഷ്ടാക്കൾ മദ്യം വിതരണം ചെയ്യുന്ന കൗണ്ടർ തകർത്താണ് അകത്ത് കടന്നിരിക്കുന്നത്. സംഭവത്തിൽ പോലീസ് അന്വേഷണം ആരംഭിച്ചു. സിസിടിവി ദൃശ്യങ്ങൾ ഉൾപ്പെടെ പരിശോധിച്ച് പ്രതികളെ കണ്ടെത്താനാണ് ശ്രമം. ബെവ്കോയിൽ പോലീസ് നടത്തിയ പരിശോധനയിൽ മോഷ്ടാവിന്റെതെന്ന് സംശയിക്കുന്ന രക്തക്കറ തറയിലുള്ളതായി കണ്ടെത്തിയിട്ടുണ്ട്. ഇത് സംബന്ധിച്ചും പരിശോധന നടത്തും. അതേസമയം 10 വർഷം മുൻപ് ചെർപ്പുളശ്ശേരിയിലെ ബെവ്കോയിൽ മോഷണം നടന്നിരുന്നു. എന്നാൽ ആ സംഭവത്തിൽ ഇതുവരെ പ്രതികളെ പിടികൂടാനായിട്ടില്ല.
