ലണ്ടന്‍: മലയാളി യുവതി യുകെയിൽ മരിച്ച നിലയിൽ. യുകെ ലങ്കണ്‍ഷെയറിന് സമീപം ബ്ലാക്‌ബേണില്‍ ഭര്‍ത്താവിനൊപ്പം താമസിച്ചിരുന്ന എലിസബത്ത് മാണി (26) ആണ് മരിച്ചത്. ആറ് മാസം മുമ്പായിരുന്നു എലിസബത്ത് യുകെയിൽ എത്തിയത്.
കുറച്ച് ദിവസങ്ങൾക്ക് മുമ്പ് എലിസബത്ത് വീട്ടിൽ കുഴഞ്ഞ് വീണിരുന്നു. ഇതിനെ തുടർന്ന് ഏതാനും ദിവസങ്ങളായി ആശുപത്രിയിൽ ചികിത്സയിൽ ആയിരുന്നു. ഇതിനിടയിലായിരുന്നു യുവതിയ്ക്ക് കാൻസർ രോഗം ആണെന്നും ഗരുതരാവസ്ഥയിലാണെന്നും കണ്ടെത്തിയത്. രണ്ടാഴ്ച മുമ്പ് ഗര്‍ഭസ്ഥ ശിശുവിനെയും നഷ്ടമായിരുന്നു. ഇതിന്റെ വിഷമത്തിൽ കഴിയുന്നതിനിടയിലായിരുന്നു യുവതി മരണത്തിന് കീഴടങ്ങിയത്.
രണ്ടു വര്‍ഷമായി യുകെയില്‍ നഴ്‌സ് ആയി ജോലി ചെയ്യുകയാണ് എലിസബത്ത് മാണിയുടെ ഭർത്താവ് റോഫി ഗണരാജ്. റോഫിയുടെ ആശ്രിത വിസയിലാണ് എലിസബത്ത് യുകെയില്‍ എത്തിയത്. ഇവരുടെ കുടുംബം ദീര്‍ഘകാലമായി ചെന്നൈയിലാണ് താമസം.
